J/Waka:
Alhaji Musa na ci dariya,
Na kuma na yi mamaki,
Sannan kuma na ga tausan maza,
Siyasar ga wadda taz zarce,
Don ga wasu sun ci zaɓen ƙwarai,
Ga wasu kau ba su ci zaɓen ƙwarai ba,
Don wasu sun ci ƙubeji,
Wasu kau, ƙunƙu sun ka ci,
Don ba su da daɗin rai daji,
Kuma ba su da, daɗin rai birni,
Shi yaz zama hasken Balbela,
Balbela idan ta taso,
Sai ka ga jikinta zaf fari,
Amma cikin naman nan nata dub baƙi.
To, sai ka ga jikinta zaf fari,
Amma cikin naman nan nata dub baƙi.
Kai kan taka ta yi kyau Haji Shehu,
Su Ɗanbakaki ba a sha da daɗi ba.×2
Amshi:
Haji Shehu Ka Buwai Maza,
Baban Habibu Shugaban Kasa.
J/Waka:
Duy ya karya masu jayayya,
Ɗan Dottijo faɗi, sun kasa faɗi,
Sun san ya hi su gaskiya.×2
J/Waka:
Milkin Shehu yana da salsala,
Muhajiruna gidan Usumanu,
Tun hwarko ba a bas su baya ba.×2
Amshi:
Haji Shehu Ka Buwai Maza,
Baban Habibu Shugaban k'asa.
J/Waka:
Maidaraja na Ishola Saraki,
Na Akwueme na Shehu ka biya.×2
Amshi:
Haji Shehu Ka Buwai Maza,
Baban Habibu Shugaban Kasa.
J/Waka:
Duk ka ɓadda masu hwaɗin Rai,
Kai na yi biɗa ni ban gane su ba,
Da ɗan Tunku da Kurut da ɗan Dila.
Alhaji Musa Dankwairo a faifansa da ya yi wa tsohon Shugaban Kasar Nijeriya Marigayi Alhaji Shehu Usman Aliyu Shagari.
Rubutawa: Umar S Ahmad
31-10-2019
Re-e
31/10/2023
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.