Citation: Maikwari, H.U. & Sani, A. (2020). Tahamisin Waƙaƙƙen Ƙa’idojin Rubutun Hausa. Zaria: Ahmadu Bello University Press Ltd.
408. Aya dai abin nufi kammala zance,
Wato dai cike
bayani a taƙaice,
In ta zo ka gane
ba sauran zance,
In da ka sa ta
dole ne sai ya kasance,
Jimla ta cike ga
tsarin zanawa.
409. Masana sun ka ce, ashe aya kanta,
Babu ta Hausa,
dole sai an ka aro ta,
An ka saka ta ƙa’ida don a rubuta,
Can asalinta tun ga tsarin tushenta,
Larabci ya zo da
shi gun Hausawa.
410. Ƙur’ani ya zo da su gun makaranta,
Su aka bi a gane komai
a karanta,
Sannan anka sa ta domin a rubuta,
A rubutunmu an ka
sa don a karanta,
Ga su daki-daki
wurare na tsayawa.
411. Bayan an aro ta sai aka Hausanta,
An mata tanadi da
tsari na nagarta,
An kuma nuna yadda
za a rubuta ta,
Suna an ka ba ta
an ce ita aya ta,
Don ta zamo cikin
alamun zanawa.
412. Ta kasu ukku
kan alamu na sifarta,
Kowace ma da yadda
za a rubuta ta,
An mata tanadi na
doka ga zubinta,
In ka lura kowace
da muhallinta,
A wajen ƙa’ida suna sassaɓawa.
413. In ka ga ɗan ɗigo alamar aya ce,
Sai ka kula a nan
an ƙure zance,
Duk harafin da zai
biyo to ya kasance,
Babba ka fara sa
shi jimlar a rubuce,
Ita ce babba don
ka zan mai ganewa.
414. Sai ta biyunsu sa ta motsin rai ke nan,
Ita ma in ka gan ta
ai aya ce nan,
Amma ka sani akwai bambanci nan,
Siffar tasu ta
gwada doka ce nan,
Ɗan layi da ɗan ɗigo aka tarfawa.
415. Ta ukun tambaya idan an yi rubuce,
Ayar in ta zo cikin kowane zance,
An yi nufin a
tambaya nan a karance,
Wato tambaya ta zo
nan a katabce,[1]
Ayar tambaya
wurin za a dasawa.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.