1. Mun faÉ—a muku yaudara ce,
Kuka ce mana kun amince.
2. Mun faɗa muku kar ku zaɓa,
3. Babu Allah a nufinsu,
Kuka ce mana hassada ce.
4. Yadda Manjo yai yi za sui,
Kuka ce ba wanga zance.
5. Kul! Gidan jiya za mu koma,
Kuka ce mini karkatacce.
6. Muslim biyu damfara ce,
Kuka ce mana wai mu kauce.
7. Malamai suka ingiza ku,
Da faÉ—a muku tabbatace.
8. Yanzu ga shi ana daka mu,
Sun yi gum tamƙar itace.
9. Ba batun gyara muke ba,
Ta abinci muke ta zance.
10. Ga kisar ba a daina yi ba,
Magidanci sai a sace.
11. Ga Dala tashi take yi,
Ga su naira a sukurce.
12. Duk da wai an buÉ—e boda,
Ga farashin ya ƙi kwance.
13. Arziki na ƙasa a ha'u,
In ka ganmu kamar a mace.
14. Ga shi fetur na ta tashi,
Ga shi ba mai ba mu rance.
15. Ga matasa babu aiki,
Ga ƙasar duk a rikice.
16. Ga shi tafiyar na da nisa,
Ga jiki namu duk a karce.
17. Rabbana tuba muke yi,
Kar ka bar mu da masu ƙwace.
18. Ba su san mai za su yo ba,
Don su seta ƙasar ta kauce.
19. Daga rugujewa su ceci,
'Yan ƙasar kar su talauce.
20. Rabbana mun zo gare ka,
Ga ƙasarmu tana a goce.
21. Ban da kai ba mai iyawa,
Wanda ke shakka É“atacce.
22. Ya Azizu ka gyara komai,
Don Rasulu abin kwatance.
23. Mun sani za kayi Allah,
Shi ya sa muka zo mu dace.
24. Rabbi Sallu ala Nabiyi,
Alu, Sahabu da sun yi ficce.
25. Ɗanbala ya rubuta waƙar,
Daga Borno gidan zumunce.
©
Mohammed Bala Garba.
7:11am
27 Oktoba, 2023.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.