Ana kiran sallar Azahar na farka daga barcin da ban san ya ɗaukeni ba, da ambaton Allah na buɗe idona gami da ɗora idona tar a fuskar Halima da ta zuba tagumi hannu biyu tana kallona wanda na san ba kallona take ba tun da har bata ji motsina ba, da Kuma maganar da na yi, tsabar tunani ta faɗa da na san Halima akwai zurfin ciki, da kuma nuna damuwarta ga al'amarin kowa musamman al'amarin abin da take so, ta yiyu ni ce sillar taguminta ko dai wani abu daban, motsin da na ƙarayi ya sa Halima a zabure ta kalle ni
"Sumayyah har kin tashi”
Murmushi na yi Halima ba dai
tsoro ba abu kaɗan za
ka yi ka firgitata, ita ko faɗama
tsoro yake bata sai dai fa akwaita da fushi, ban bata amsa ba na dubeta
"Halima yaushe Kika zo
ne?"
Kallonnata ta yi ta kuma canza
magana
"Kin ga Sumayya ba batun
zuwa na ba ki tashi ga abinci na kawo miki duk da na san ba muradinki ba ne
shinkafa da miya ne, dan Allah karkice ba za ki ci ba, na san da ƙyar
idan kinci abinci kika kwanta, Habiba kina wasa da cikinki ina jiye miki ulcer
ta kamaki”
Ta ƙarasa zancen da alamun tsoro
Ban yi mamakin abincin da Halima
ta kawanba da idan aka bibiyama shi ne dalilin zuwanta gidanmu da wuri haka
gidannamu dan kuwa Halima macace mai kyautatawa duk wanda yake tare da ita, na
rasa kulawar dangi amma na samu ta ƙawa, lallai Allah abin godiyane a kowanne
hali bawansa ya shiga yakan kawo masa mafita, domin shi ne ya kawo min Halima a
lokacin da na rasa kulawar dangina, ba ma ni kaɗai
ya kawowa ba hatta 'yan uwana da iyayena duk ya kawo mana ita
Maganar Halima ta katseni
"Sumayyah dan Allah ki tashi
kici abincinnan karya wuce, kular bata wani riƙe zafi”
Murmushi na yi na miƙe da
cewa
"Bari na wanko hannuna da
baki”
Daganan na miƙe na
fice daga ɗakin da
Mama na ci karo tsakar gida ta kalle ni
"Hala yanzu Kika tashi wato
Haliman bata ta shekinba da na ce tana zuwa ta tasheki”
Murmushi na yi na ce
"Mama kema dai kin san
Halima ba za ta iya tashina ba, yanzu ma abinci ta zo min dashi, ina tashi ta
matsamin na zo naci” .
Mama ta girgiza kai ta kalle ni
"Sumayyah ban san yazan
misalta ƙaunar
da Halima ke miki ba da har muma ta shafemu, duk da Suma ba want ƙarfi
garesu ba amma duk sanda ta samu saita tunkaroki, ta fahimci rayuwar da muke
ciki fiye da danginmu, da su suka kasa fahimta, ban san da me za mu iya biyan
Halima ba, sai dai kawai Allah ya biyata”
Na ɗaga
kai na ce
"Kwarai kuwa Mama dan
yanzuma ta yiyu ko abinci bata ci ba ta tawo kawomin, saboda ta lura da wuya na
ci abinci na tafi makaranta da safe, na san zai wuya ba haka za ta ce ba”
Mama ta ce
"Sai kije kuci tare, karki
shiga haƙƙinta
da yawa, Halima akwai lura sosai, rayuwarta Mai burgewa ce”
Na ce
"Haka ne Mama”
Daganan na ƙarasa
gefen banbum ruwanmu na ɗauki
buta na wanki hannu muka da baki na koma ɗakin
da sallamata, Halima ta amsamin na zauna kusa da ita da harta buɗe kular da ƙamshin
miyar keta ta tashi kamar ansa kifi ciki, har zan fara ci, na dubi Haliman
"Kisa hannu muci Mana, inada
tabbacin baki ci abinci ba kika taho kawomin"
Halima ta dube ni
"To fara ci ki ragemin, dan
Allah karki sake magana kici abincinki kawai”
Bansake maganarba kamar yadda, Halima
ta buƙata
na fara cin daddaɗan
girki, da tun da Halima ta buɗe
na san zai yi daɗi
saboda ƙamshinsa
da tun kafin na fara ci na haɗiyi
yawu, sai da na ci na ƙoshi na ragewa Halim ta wanko hannu ta fara cin abincin da a
lokacin ƙannena
'yan makaranta sun dawo, Ahmad da Rumaisa da Sadiƙ da Khadija da suka shigo a tare, kamar
sun haɗa baki, Mama na
ji suna tambaya abinci, sai dai ban sake jin mai Maman ta ce musu ba na ji sun
yi shiru da ɗai da ɗai suka riƙa
shigowa ɗakinmu suna
gaida Halima suna kwasar kayansu suna fita da Ahmad a kofar ɗaki ya tsaya suka gaisa ya
yi gaba saboda shi ganin sa yake babba kayan sa ma Rumaisa ta ɗaukarmasa dan kayansa duk
suna ɗakinmu kwana ne
dai a zaure yake yi, da idan ana ruwa sai dai ya je shagon da wani makwabcinmu
'ya'yensa ke kwana ya raɓa
ya kwanta, saboda yadda kwanon zauren gidannamu ke shata ta kamar me.
"Yanzu Sumayyah kin kyauta
kinwa mutumin alkawari za ku haɗu
yau amma ki cemin gidan Mama Atika zan rakaki, da na san da haka wallahi da
tuni na yi tafiyata, wannan ai abin haushi ne, kamar wadda bata zuwa islamiyya
ki ce za ki saɓa
alkawari”
Na rausayar da kaina jin Halima
ta Gama sababinta
"Dan Allah Halima karki ce
komai a kaina kimin uzuri Mamace ta ce lallai sai naje Kena kin san ba san zuwa
nake ba”
"Duk da haka gaskiya banji
daɗi ba, da tun zuwana
kin faɗamin inada
tabbacin da tuni mun dawo, yanzu gashi uku harta gota, yaushe har muka je muka
dawo"
Na ce
"Oh Halima ke nan, ke ɗinfa ba dai mita ba”
Hijabinta ta ɗauka ta miƙe tana
cewa
"Idan kin gama zancenki
saiki biyoni”
Tsaki naja mata na miƙe ni
ma ina cewa
"Kiji rainin wayau irin naki
waye mai zancen idan ba ke ba, kin isheni da mitarki”
Tana ƙoƙarin barin ɗakin ta ce
"Mita ta a kan gaskiya take”
Nayi murmushi jin zancen Halima
wato ita dai a kan Malam Hamid za ta iya faɗa
dani kaina, bayanta na bi ina saka hijabina da yaketa kyallin guga a kofar ɗaki na ci Karo da Halima
muka ƙarasa
ɗakin Mama ta ba mu kuɗin napep da jaddada mana mu
gaida Mama Atika ta Kuma bimu da addu'a muna amsawa da Amin har muka bar cikin
gidan da addu'ar fita gida a bakina
Bamu wani ɓata lokaci bakin titi ba muka samu napep na faɗamasa unguwar da za mu mukayi
sa'a zaije Nnasarawar, daalima tun da muka fito gida har muka shiga napep ɗin bata furtamin komai ba
tanajin haushina
Na dubeta nace
"Amini na yi laifi ne, tun
da muka baro gida baki sakemin magana ba”
Tsaki tayi
"Dan Allah Sumayyah ki
kyaleni da Aminin munafurcinki, gaba ɗaya
yau haushi kin riga kin gama bani, bawan Allahn nan Hamid yana sonki amma ke ɗin kina nuna baki sonsa, kina
nuna masa ko in kula, saboda ke fa yaƙi tafiya jiya”
Wani tsaki ni ma na yi
"To ni banison shi ke nan
kike nufi ko ya ya”
Ta kalle ni
"Allah masani, ina zan sani,
wannan sai zuciyarki. . "
Bata ƙarasa faɗar zancenta ba wayarta ta
yi ƙara
tasa hannu aljihun doguwar rigarta ta ɗauka
tana kallon wayar kafin ta maida kallon ta gare ni tana miƙomin
wayar
"ungo malam Hamid ne”
Na kalleta ni ma nii ta kalla
"Ki amsa mana kada ta katse,
ki san mai za ki faɗa
masa” ta ƙarasa
zancen tana miƙomin wayar, haka na amsa da tunani da yawa a raina sallamar da
ya yi na amsa ina ji sanda ya yi ajiyar zuciya kafin ya ci gaba
"Sumayyah ce ko?"
Na amsa da
"Eh ni ce ina yini”
"Lafiya Lau, da fatan kin
shirya zuwa na yau ko dan harna fito gida” Jin maganarsa da ya faɗa ya sa ni yin shiru sai da
ya sake magana
"Baki jina ne”
Na ɗan
daure na ce
"A'a na ji amma kaya haƙuri, ina
komawa gida Mama ta aikemu ni da Halima, kaya haƙuri”
Shiru ya yi a wayar ba tare da ya
ba ni amsa ba sai bayan wasu sakanni
"Shike nan Sumayya na
fahimta ba laifin ki ba ne, amma naso ganinki a yau, wani unguwa aka
aikeku?"
Na ɗanyi
jim kafin na ce
"Nasarawa GRA”
"Oh God unguwar da nake
zaune bara na dawo yanzu, amma yi min kwatancen layin da gidan da zaku"
Shiru na yi ina zullumi, ni ɗin daba wata bace a gidan
ina ni ina kwatancen gidan Mama Atika, ni ɗin
ni kaɗai ba tarbar
arziƙi
nake samu ba daga gurin 'ya'yan gidan bare naje da saurayi, maganarsa da tamin
amsa kuwwa a kunne ta dawo dani tunani
"Ko baki ji ne?"
Na daure na ce
"A'a na jika, kawai dai ba
zan iya kwatancen gidan ba ne”
Ba tare da na ji mai zai faɗa ba wayar ta yi ƙara na
sauketa a kunne na ina dubawa na ga ta ɗauke
da yiyuwar cajin ya ƙare ke nan, na miƙawa Halima wayar
"Ta ɗauke rigwagwar wayarki”
Tsaki ta yi ta amsa
"Za ki barni da jin
haushinki da nike ko Za ki ƙaramin da cewa wayata rigwagwa”
Na ɗan
kunshe dariya ta na ce
"Tuba nake Amini”
Halima ta dube ni
"Sumayyah maganar gaskiya
banso kika ki faɗawa
Mama gaskiya ba za ki yi baƙo yau ba za ki gidan Mama Atika ba, dan gaskiya ni ban da bana
so kiji babu daɗi a
ranki ban san mai zai kaini karo na da yawa zuwa danginki ba, saboda kinfi kowa
sanin halinsu, banga mene anfanin kayi zumun ci da wanda bai san muhimmancin zumun
ci ba”
Na runtse ido ina tunanin wasu
abubuwa da sukemin ciwo idan na tunosu na Kuma buɗe
ido na kalli Halima
"Halima ba laifin su ba ne, su
ka ɗai harda laifinmu
fa muma talakawar munada kwaɗayi
Na tsinkayi muryar dieban
adaidata sahun da muke ciki ya na cewa
"Yarinya kin yi tunani mai
kyau halinmu ya ja mana, sai dai kuma duk abin da ka bawa ɗan uwanka ba ka faɗiba matsayinsa gareka ya fi
komai daka mallaka, shi ɗan
uwa kamar ƙashin
baya ne, kana iya dawo da komai daka rasa amma ban da ɗan uwanka, dan ka kyautatama sa ko kullum
zaginka yake ba ka faɗi,
amma yarinya zumun cin ne kawai masu kuɗin
ba su buƙatar
yi damu, wanda duk wuya duk rintsi mu kuma karmu yankesa domin munsan
muhimmancin sada shi mun kuma san hukunci yanke shi”
Na jinjina maganar mutumin da duk
ta ratsa mu wanda daganin sa dattijo ne dan duk ya haifi kamarmu za mu iya
kiransa Baba, Halima ta jinjina kai ta fara magana
"Amma Baba masu kuɗin ba su buƙatar
zumun cin damu ne”
Baban ya ce
" 'Ya ta ke nan ni zan faɗamiki ba su san zumun ci
damu ƙanina
uwa ɗaya uba ɗaya mai kuɗine sosai Abuja yake da
zama yana kasuwanci amma da ɗiyata
ta faɗamasa zataje
hutun waya ya kirani ya ce” Shi dai yanzu ba wani jin daɗi yake ba maleji yake amma wasu gani suke
kamar wani Abu yake da shi amma duk an zuba ido Shi zai yi komai a dangi, hakanma
bai isa ba har sai yara sun riƙa zuwa hutu kowa ɗaukarsa wani jin daɗi suke” "na ba ku labari sai da na ci ma
sa mutunci saboda na san dani yake kira ya yi ta yi min rashin mutunci a
fakaice dake shi wawane bai iya ba, kuma na ba ku labari ni da shi saina ƙirga
abunda ya taɓa haɗa ni da shi, amma daga 'ya
ta za ta hutu ya kira yana faɗamin
maganar banza kamar yayannan nawa, kuma duk da hakan saida yarinyartawa ta tafi
hutun dan ni bana so yarana su fahimci komai kuma ko da sun fahimta bana so ya
zama su fahimta a guri na, bare ma zumun ci ba mune muka ce a yi ba Allah da
manzansa suka ce ayi, kuma idan na yanketa na san makomata, shi fa zumun ci abu
ne mai girma duk da yadda zumun cin ya lalace bana so a haɗu dani gurin lalatashi, idan
na tuno yadda zumun ci ya lalace a wannan zamanin har mamaki nake ku duba da fa,
da babu ko da abun Hawa yadda ake zumun ci ba tare da an yi tunanin wane zai
kawomin nauyi ba, shi kuma mai zuwa ba yana tunanin mai za a basa ba idan zai
taho, to amma yanzu fa da hanyar sada zumun cin ta yi sauƙi
yanzune ba'asan sada shi”
Kai muke jinjinawa maganar
mutumin tana ratsa ilahirin jikina duk da ban san Halima ya take ji ba amma
nafi tunanin hakanne ita ma, haka ya ci gaba da Yi mana Nasiha mai shiga jiki
yanayi yana jawo mana ayoyi da hadisai, wannan ya ƙara tabbatarmin mutumin
mai ilimi ne musamman na addini kuma yana anfani da iliminsa wanda ƙasarmu
irinsu take buƙata a yanzu, ba waɗanda
boko ta ratsasu ba ilimin addini ba, haka na ci gaba da tunani akwaisu irinsu a
ƙasarnan
ashe amma ƙasar
bata buƙatarsu
shi ya sa ba wanda yasan dasu, duk da tarin ilimin Abbanmu amma na fahimci
wanna yafisa saboda shi Abbanmu ya fi zurfafa ilimin boko inda yake da Masters
na addininma yana da shi sosai amma dai wannan ya fisa amma saina dubi yadda
rayuwarsu take tafiya kamar waɗanda
ba su yi ilimi ba babu wani ci gaba sai dai godiyar Allah tun daganan na ƙara
fahimci rayuwar bawa arziƙinsa da talaucinsa duk a hannun Allah suke, shi ne yake bawa
wanda yaso ya kuma hana wanda yaso ba wai dan baya ƙaunarsa ba sai dan ya
jarrabasa, A haka muka ƙarasa Nasarawa GRA da har kofar gidan Mama Atika ya kaimu, wanda
ko da mu ka fito motar muka basa kuɗin
napep bai ansa ba yadai ce
"Ku dai ku sada zumun ci
karku gaji, ladanka kake buƙata gurin Allah, dan ɗan
Adam indai danshi zaka yi abu to a ko da yaushe kana iya dainawa, dan shi
mantuwa garesa”
Zancen Baban ya ƙara
ratsani kuma na yi alƙawarin zan sada zumun ci ba tare da gajiyawa ba da yardar
ubangiji, godiya muka masa muka ƙarasa kofar gate ɗin gidan Mama Atika muka buɗe kofar shigar muka same ta
buɗe hakan ya sa muka
danna kai cikin gidan da harabar motocinsu ke ciki a ƙalla guda uku, da ginin
ya ka sance self contained ne mai kyau.
**** ****
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.