Citation: Maikwari, H.U. & Sani, A. (2020). Tahamisin WaÆ™aƙƙen Ƙa’idojin Rubutun Hausa. Zaria: Ahmadu Bello University Press Ltd.
631. Harafin z
yakan zamo j ga rubutu,
Sauyawa yakai, ku
lura masu karatu,
An tanadi
tsare-tsare gun masu rubutu,
Su lura da wanga
tsari na rubutu,
Daidai gun gaɓa ta ƙarshe ga kulawa.
632. Shi ma kan sa gun tilon dai aka zance,
Kalmar duk da taz
zamo É—ai ga kwatance,
Kwai tsari na
sauya shi z a misalce
In aka so a mai da
ita jam’i to ce,
In aka mai da shi
yawa ga rubutawa.
633. Ga kalmar maza
idan aka sauya ta,
Kwai ƙari gaban ta malam ka
rubuta,
Ai sauyin baƙi na z an ka hukunta,
Ƙarin j ake gaban z a rubuta,
Gun jam’inta ai mazaje aka cewa.
634. Sa natsuwa ka dubi geza ga tilon ta,
Ƙari za ka yo gaban z ka rubuta,
Shi ma za ka sanya
j don a karanta,
Lura da kyau, ga
furucinta ka furta,
Gezoji ga nata jam’i aka sawa.
635. Reza za ta
zamto rezoji ke nan,
Wannan da ake saye
a yi askin nan,
Ko kuma wadda an ka
yanke akaifan nan,
Malam lura wagga
kalmar rezan nan,
Z ta birkice zuwa j
aka cewa.
636. Gwarzo ya
buwaya tilas a yaba shi,
Ya sha ɗamara a yanzu ba masu taɓa shi,
Ya gawurta babu
kowa a gaban shi,
Kowa na faÉ—in mu je ka mu gai da shi,
Dole yabo ga duk gwarajen Hausawa.
637. Harafin z
wajen tilon bai sauyawa,
Lura da kyau shi
tilonsa ba ya canzawa,
Banza,
banza-banza, ai z ka biyowa,
Reza in guda tazo
z aka sa wa,
Gun jam’insa lura
j shika komawa.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.