Labarin ya faro a cikin Gidan Alhaji Damisa. Uwargidansa Hajia Jummala na zaune a cikin babban daki, sai Alhaji Damisa ya shigo sanye da babbariga da hula, rike da carbi a hannunsa na dama yana ja a hankali ya samu waje kusa da matarsa ya zauna, ya kammala wuridin da addu'a. Hajia ta juya kofin da ke kife a kan tebur.
Hajia Jummala:
Malam barka da asuba
Alhaji Damisa:
Yauwa, kin tashi lafiya, yaya ciwon kan riaki?
Hajja Jummala:
Da sauki, dama rashin barci ne. Alhamdulillah (ta zuba masa ruwan shayi mai zafi) Ko in sa maka madara?
Alhaji Damisa:
Zuba dan kadan da sukari kwaya biyu (ya mayar da carbinsa cikin aljihu)
Hajia Jummala:
(Ta sa madara da suga ta motsa da cokali, ta mika masa) Ga-shi
Alhaji Damisa:
(Ya karbi kofin ya kurbi kadan) Mmhm, kai ba dai iya shayi ba (ya kalle ta yana murmushi)
Hajia Jummala:
Allah ne abin yabo. Ina fatan ba shayi kawai na iya ba? (cikin fara'a)
Alhaji Damisa:
Haba da ban kara aure ba? (Suka bushe da dariya)
Hajia Jummala:
Malam ke nan, har ka sani dariya (Bayan dan lokaci kankani) Malam batun 'yar nan Lauratu, Sakamon jarawarta na sakandare bai yi kyau ba. Takardu uku kawai ta samu cin kiredit, biyu kuma ta sha da kyar sauran kuwa ba magana. Ba haka na zaci za ta kasance mata ba.
1>>>
From the Archive of:
Malam Muhammad Tajajjini Tijjani
Imel: mmtijjani@gmail.com
Lambar Waya: +2348067062960
©2023 Tijjani M. M.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.