1.
Zamani ne ya
zo da sauyin yanayi
uwa ta zam y'a.
2.
Iyaye ne sun
gajiya sun kasa a
3.
IImi maimakon
wayarwa yasa wasu
bayi girman kai.
4.
Wayewa kuwa
ta yiwa al'ada da
gargajiya war!
5.
Makahon so ya
hana a shuka k'auna
Kan ka ce kwabo!
6.
Jahilci ya sa
daraja da k'imarmu
duk a warwatse.
7.
Kwaikwayo ya sa
tari shiga k'unci da
halin ni y'asu.
8.
Hak'uri kuwa
d'oki da azar6a6i
sun masa shan kai.
9.
Mutane ba mai
gaskiya kowa cuta
ana ta kuka.
10
Aure ake yi
akan tubalin toka
kullum a rushe.
11.
Kowa ka ta6a
kuwwa yake ba kanta
tsadar rayuwa.
12.
Mazan sun saki
hidimar gidajensu
a hannun mata.
13.
Su ci da kansu
mazansu da yara. Tir
da tozarta kai.
14.
Ya matan ke yi
ko oho! Mai sana'a
na yi, maras shi...?
15.
Yara a sake
suna bilinbituwa
ba sa karatu.
16.
Illa k'alilan
ke Arabi da boko
aike da aiki.
17.
Arewa an yi
sake tun da fari da
alk'iblar yara.
18.
Amma k'orafin
ya isa haka ku zo
mu sake lale.
19.
Manya da yara
kowa ya zage dantse
mu sa hannunmu.
20.
Mu cicci6a mu
dage mu bar lalaci
lokacin ya yi.
21.
Duk nisan gari
da tattaki sahunmu
zai cim masa.
From the Archive of:
Malam Muhammad Tajajjini Tijjani
Imel: mmtijjani@gmail.com
Lambar Waya: +2348067062960
©2023 Tijjani M. M.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.