1.
Na gode Sarki Allah
Mai Arziki da Jalala
Shi É—ai ya ke da Kamala
2.
Na gai da Manzon nasa
Mahmudu baƙon Aƙsa
Angon Khadija da Hafsa
Baban su Fatima Binta.
3.
Ga 'yar ƙasida na yi
Manya da su nai koyi
Domin nishaÉ—i nai yi
Dangi ku zo ku karanta.
4.
Na jera baiti-baiti
Tamkar gini da siminti
Kuma na aje su a saiti
Su goma 'yan matsakaita.
5.
Hammadu yaron Umma
Gaishe ka sannu da himma
Ga É—an da ya wuce goma
Gun hankali da nagarta.
6.
Hammadu yaron Abba
Wai kai da shi kas saba
Muddin idan ka duba
Ka gan shi, rai ya faranta.
7.
Kai duniya mai sauri
Jiya nan ka ke jariri
Amma kamar É—an shuri
Ka girma sai makaranta.
8.
Hammadu na gaisheka
Na tabbatar ba shakka
In dai ka jure shuka
Girbinka za ya yawaita.
9.
Gaishe ka yaron kirki
Na san fa ba ka raki
Sannunka sannu da aiki
Hammadu É—an makaranta.
10.
Roƙo ga Al-Mannanu
Allahu Ar-Rahmanu
Ya sa ma É—an nan hannu
Don rayuwa ta rabauta.
Mustafa Adamu
18.11.2023
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.