𝐓𝐀𝐌𝐁𝐀𝐘𝐀❓
As-Salaam
Alaikum Wa Rahmatul Laah. Akwai wani farin ruwa ne da ke fitowa daga mace. Shi
najasa ne ko kuwa? Sannan kuma yaya mace za ta iya magance shi?
𝐀𝐌𝐒𝐀❗️
Wa Alaikumus
Salaam Wa Rahmatul Laah Wa Barakaatuh.
Abubuwan da
suke fitowa ta gaban mace nau’i biyu ne: Jini da abin da ba jini ba.
Jinin nau’i
uku ne: Haila da Nifasi da Istihaala. Dukkansu najasa ne, sai dai an yi
sassauci ga mai sallah, ko da yana cigaba da zubowa ba laifi.
HAILA ita ce
jinin da ke fitowa saboda dalilin balaga kawai, ba domin wata matsala ba.
NIFASI kuwa
shi jinin da ke fitowa saboda dalilin haihuwa.
ISTIHAALA kuma
tana fitowa ne saboda dalilin rashin lafiya ko fashewar wata jijiya, ko kuma
zungurar wani shaiɗanin
aljani.
Abubuwan da ba
jini ba kuwa, in ban da fitsari akwai: Maniyyi da maziyyi da kuma wadiyyi.
MANIYYI yana
fitowa ne a lokacin babbar sha’awar jima’i a barci ko a farke. Shi ba najasa ba
ne a maganar da ta fi inganci a wurin malamai.
MAZIYYI kuwa
yana fitowa ne saboda ƙaramar sha’awa,
kamar a lokacin wasanni soyayya a tsakanin ma’aurata. Shi najasa ne, sai dai an yi sassauci ga matasa
a wurin jiƙa
tufafin da ya shafa kawai maimakon wankewa.
WADIYYI kuwa
yana fitowa ne yawanci a ƙarshen fitsari a maza. Ban san yadda ya ke ga mata ba. Amma
dai shi ma najasa ne, kamar fitsari.
Waɗannan su ne abin da na
sani game da ruwa mai fitowa daga gaban mace.
Sai dai kuma a
cikin littafin Zuwa Ga Sabuwar Budurwa 1, na ambaci magana a kan danshin gaba,
wanda ya ke ba najasa ba ne a magana mafi ƙarfi a wurin malamai. Ga abin da na ce
Masana sun
nuna cewa, samuwar wannan (danshin gaba) da yawaitarsa daga ‘gaban’ yarinya a
daidai wannan lokacin (na balaga), ba wata matsala abar damuwa ba ce. Abin da
suka ce dai shi ne
(i) Yana
taimaka wa mace ne wurin hana bushewa ko ƙeƙashewar gaban nata.
(ii) Yana hana
ta kamuwa da waɗansu
ƙwayoyin
cuta ta wannan wurin.
(iii) Alama ce
mai ƙarfi
na cewa yarinya ta kusa soma yin al’ada!
Don haka sai ta kiyaye.
(iv) Amma idan
ruwan ya zama mai kauri, mai duhu ko rawaya-rawaya, mai wari-wari kuma mai jawo
ƙaiƙayi
ko raɗaɗi a jiki, to wataƙila ƙwayoyin
cuta sun shiga ne. Sai ta tuntuɓi
likita.
Don haka, idan
abin da ake tambaya a nan ba ɗaya
daga cikin abin da na ambata ba ne, to sai a kusanci wasu masana a makarantu ko
masallatai ko kuma likitoci a asibiti.
WALLAHU A'ALAM
Sheikh
Muhammad Abdullaah Assalafiy
Zauren
Fatawoyi Bisa Alkur'ani Da Sunnah.
𝐖𝐇𝐀𝐓𝐒𝐀𝐏𝐏👇
https://chat.whatsapp.com/GUq2GCCzlcdL6nknqLYYox
𝐅𝐀��𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.