Korar Yaro Daga Masallaci

𝐓𝐀𝐌𝐁𝐀𝐘𝐀❓

Mene ne hukuncin korar yaro daga masallaci, ko daga sahun farko don babba ya maye gurbinsa?

𝐀𝐌𝐒𝐀❗️

Idan yaro ba ya cutar da kowa – da aikinsa ko maganarsa to bai halarta a fitar da shi daga masallaci, ko a dawo da shi sahun da yake baya da wanda yake tsaye a cikinsa ba, koda kuwa a bayan liman yake kai tsaye; saboda a sunna wanda ya fara zuwa wuri shi ya fi cancanta da shi, kuma Annabi Sallallahu alaihi Wasallam ya hana mutum ya tashi dan'wansa daga wurinsa shi don ya zauna a wurin, masallatai kuma gidajen Allah ne, bayin Allah (baba da yaro) daya suke a cikinsu.

Hadisin da Annabi Sallallahu alaihi Wasallam yake cewa “Masu hankalin cikinku ya zama su suke biye da ni a sahu” kuwa ba ya nuna a rika korar yara daga sahun farko koda daga su sai liman kamar yadda wasu malamai suka ɗauka. Wannan hadisi yana kwadaitar da manyan ne kan su je masallaci da wuri don su samu tsayawa a bayan liman. Sannan korar su daga sahun da suke zuwa na baya zai haifar da matsaloli kamar: Taruwarsu a wuri guda wanda wannan zai sa su yi ta wasa da hayaniya lokacin sallah Za su rika kin Masallaci Za su rika kin masallata, musamman mai korar su.

WALLAHU A'ALAM

Shiekh Ibn Uthaimin

Zauren Fatawoyi Bisa Alkur'ani Da Sunnah.

𝐖𝐇𝐀𝐓𝐒𝐀𝐏𝐏👇

https://chat.whatsapp.com/Cnf26Q8MPqz9yUYU1nxqRq

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.