𝐓𝐀𝐌𝐁𝐀𝐘𝐀❓
Malam menene
maganin rage sha'awa? Ina da yawan sha'awa abu kadan yeke tada mun sha'awa.
Malam ko akwai wata magani da zan sha don daina sha'awa ko rageta, wallahi ina
da matsaninciyar sha'awa wanda ko da yaushe inna cikinta shi ne nake tsoron faɗawa halaka, don Allah a
taimaka ni budurwa ce.
𝐀𝐌𝐒𝐀❗️
Wa alaikumus
salam wa rahmatullahi wa barakatuhu.
Ita sha'awa
sinadari ce ta musamman wacce Allah ya gineta ajikin Ɗan Adam kamar irin su
barci, yunwa, kishirwa, etc. Don haka bata da abin da ke danneta sai dai idan
mutum ya tarbiyyantar da zuciyarsa akan guje ma hakan.
Kuma ita
sha'awa tana daga cikin amanonin da Allah Maɗaukakin
Sarki ya ajiye ajikin bayinsa, Kuma yayi iyakance halastattun wuraren da ake
ajiye wannan amanar. Kuma yayi bayanin cewa waɗanda
suka kasa kiyaye wannan amanar, sakamakonsu ita ce Wuta in har basu tuba ba.
Allah Maɗaukakin Sarki ya gaya ma
Manzon Allah Sallallahu alaihi Wasallam wata nasiha wacce ya umurceshi ya gaya
ma muminai. Yace
قُلْ لِّـلْمُؤْمِنِيْنَ يَغُـضُّوْا مِنْ اَبْصَارِهِمْ وَيَحْفَظُوْا فُرُوْجَهُمْۗ ذٰلِكَ اَزْكٰى لَهُمْۗ اِنَّ اللّٰهَ خَبِيْرٌ بِۢمَا يَصْنَـعُوْنَ
"ka gaya
ma muminai maza su runtse idanuwansu kuma su kiyaye farjojinsu, wannan shi yafi
tsarkaka garesu.. domin Allah masani ne game da abin da suke aikatawa".
(Surah: An-Noor, Ayat: 30)
وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ...
"ka gaya
ma muminai mata su runtse daga idanuwansu kuma su kiyaye farjojinsu".
(Surah: An-Noor, Ayat: 31)
Wannan umurni
ne daga Allah (SWT) zuwa ga Matayen Muminai, bayan kuma ya gargadi Mazaje
Muminai.
Kuma Manzon
Allah Sallallahu Alaihi Wasallam ya bama dukkan Samari da 'Yan mata shawara.
Yace "YAKU TARON SAMARI!! WANDA YAKE DA IKON ƊAUKAR NAUYIN IYALI TO
YAYI AURE. DOMIN SHI (AURE) YAFI SANYA RINTSEWAR IDANU DA KUMA KIYAYE AL'AURA.
WANDA BASHI DA IKO KUMA TO YAYI AZUMI DOMIN SHI (AZUMI) TAKUMKUMI NE".
To kinga dole sai kin kiyaye idanunki daga kalle-kallen haramun, ki kiyaye zuciyarki daga tunanin saɓa ma Allah, Kuma ki shagaltar da jikinki da zuciyarki wajen yawaita azumi da sauran ayyukan bin Allah.
Idan kuma kina
da dama da iko to kije kiyi aure kibi sunnar Anmabi (sallal Lahu alaihi wa
aalihi wa sallam) shi yafi.
lallai ki
kamewa daka gane-gane domin kallace-kallacen wasu abubuwa da hotunan tsiraici masu
motsa sha'awa yana kai mutum zuwa haram. Idan kina chating da samari mai motsa
sha'awa kiji tsoron Allah ki daina. Ki yawaita yin azumi Ki daina hirar batsa
da maza ko mata yan'uwanki.
Ba zai yiwu
kina kalle-kallen abin da Allah ya haramta miki ba, sannan ki rika zargin kanki
wai kina da Qarfin Sha'awa ba. Kowa da kike gani yana da ita ajikinsa. Amma
tsoron Allah ne ke sanya kowa ya kiyaye.
Daga cikin
magungunan Musulunci waɗanda
ake amfani dasu wajen dakile sha'awa akwai
1. SHAJARATU
MARYAM: Bishiya ce wacce ake amfani da ita don magance matsalolin Mata. Kuma
Idan namiji yasha, tana cire masa sha'awa sosai daga jikinsa da zuciyarsa.
2. Ki Yawaita
shan Lemon tsami (Idan baki da Olsa). Ko kuma Jar kanwa ('Yar Qalilan).
3. Ki samo
kuzbara busassa wanda akayi garinta kwatankwacin karamin cokali sai azuba
aruwan mai sanyi da yamma har zuwa asuba sai asanya sukari asha, In shã allah
yana saukaka tsananin sha'awa ga namiji ko mace.
4. Ki samo
wani haki da'ake cemasa ARRAJLA sai arika tafasawa anashan sa shima yana
saukaka tsananin sha'awa ga maza ko mata, zaki iya samun sa amma sai dai a
Kano.
5. Ki samo
Zait Kafuur sai ki rika diga ɗan
kaɗan acikin kofin
shayi, idan ana shan wannan yana kashe tsananin wutar sha'awa.
6. Ki samo YANSUN da KAKO sai ki rika tafasawa kina sha, shima yana saukaka tsananin sha'awa.
7. Ki samo kwayoyin SALAK Irin wanda masu lambu suke shukawa yafito sannan su dasa shi yagirma yazama SALAK, to wannan kwayoyin da'ake yafawa su zaki samo sai kirika tafasawa kinasha, wannan hanya yana yanke tsananin sha'awa gaba ɗaya, sannan wanda yake fama da yawan mafalakai koda yaushe amma da wannan hanyar za'a iya samun waraka.
Ubangiji Allah yabamu dacewa, masu yawan yimana tambaya akan yadda zasu rage tsananin sha'awa ga hanya. Lallai ga wanda yake da tsananin sha'awa ko bashida da mata. ko bata da miji, kuma babu halin yin Aure to amaimakon yin Istiminai (musterbution) to kwara bin ɗaya daga cikin waɗannan hanyoyin domin asami sauki!!!
Allah ta'ala yasa
mudace
Zauren
Fatawoyi Bisa Alkur'ani Da Sunnah.
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.