Waƙar Kwaki ta Shaykh Abubakar Atiku Sanka da almajirinsa Shaykh Balarabe Jaruna Jega, an rubuta waƙar a shekarar 1942 lokacin wata yunwa da akai a ƙasar Kano.
1. Fana fara da sunan Jalla sarki
Tabaraka wanda shi yab bamu kwaki
2. Yasa muka zam musulmi jalla shine
Ya aiko du Ma'aaika mai saraki
3. Da tauhidi da addini kawimi
Zuwa dukkan talakka har saraki
4. Ilahal arshi mai kudura irada
Alimun Wahidun sarkin saraki
5. Fa shine yai halitta kullihinta
Hakimun wanda yai doki da Jaki
6. Jamadun har Mala'ikku da jinnu
Kazaka mutum da dukkan masu baki
7. Abin ruwa ne fa ko na cikin kasane
Adan ikonsa yai kura da Zaki
8. Sannan ya bukatashemu mu duk
Zuwa neman abin sawa a baki
9. Fa dabbobi ciyawa anka basu
Mutane ko ya bamu hadi da kwaki
10. Fa dabbobi ciyawa girman sarauta
Muna dada godiya da ya bamu kwaki
Haƙiƙaninsa
11. Fa shi dai dan sarauta ne garinsu
Adon haka bashi yawo shifa kwaki
12. Izan ya so fita kuma za shi yawo
Fa sai izni fa yazo gun yan saraki
13. Suwo izni gareshi suwo
Shiga jirgi nufi nasa kunji kwaki
Fitowarsa daga garinsu
14. Da yayi nufin kano izini ya nema
Ya hau jirgi yana sukuwassa kwaki
15. Yazo kano ya sauka wurin Akawu
Acan a tasha ya sauka kusan fa kwaki
16. Da Talakawa da masu kudin gari du
Suna tarbansa can a tasha fa kwaki
17. Zuwansa Kano kusan yaki yazo yi
Ya kawo taimako a garemu kwaki
18. Kazo nan zan gaya maka dan uwana
Fa girman kai ka daina yiwa su rogo kwaki
19. Izan dai dukiya ce taƙamarka
Fa Ɗantatan mu yai caffa ga kwaki
20. Izan kuma dan sarauta takamarka
Fa ga sarkin Kano ya san da kwaki
Saukar sa a Kano
21. A zamani na Abdullahi yazzo
Cikin birnin kano babban saraki
22. Cikin hijra alif da dari da maitan
Da sittin sai guda daya munga kwaki
23. A zamani na Abbas yazzo fa amma
Azamani na Usman babu kwaki
24. Ya sauka tasha yana khudba fa kullum
Kuzo ku gareni nine rogo kwaki
25. Mutane sun rijif sunje gareshi
Suna caffa suna gaisheshi kwaki
26. Da dattijai da yara yan ƙanana
Da yan mata da masu zama a jaki
27. Inyamuri har samari manya-manya
Anan a kano suna ladabi ga kwaki
28. Mutan Sabon gari da Fagge na gansu
Suna rurubi wurin gaisar da kwaki.
Halayensa da Ɗabi’unsa
29. Fa shidai walla saukin kai gareshi
Fa baya ja da kowa kunji kwaki
30. Fa domin ko talakka sayo ya cishi
Da sauki zaya cishi halinsa kwaki
31. Akan samai ruwa fa kadan a cishi
Ana ma hanfudashi kadai a baki
32. Izan kuwa anka so wahala gareshi
Fa sai yazamo abincin yan saraki
33. Akan teba dashi da miya ta kwanbo
Da man shanu da nama kanci kwaki
34. Akwai ajabi cikin gari na rogo
Abincin yan mutanan yamma kwaki [1]
35. Fa yayi musharaka da hadin kasammu
Kamar Gero da Dawa harda Wake
36. Kazalika harda shinkafa hakannan
Kamad da Alkama Doya yi kwaki
37. Ana waina da Alkaki dashi har
Akanyi Wasa-wasa dana rogo kwaki
38. Izan an rafka taushe ankasa Mai
Da nama ya zamo sai yan saraki
39. Izan anso fura nono akan sa
Adama ko da sukkar anci kwaki
40. Akanyi Tuwo dashi a gama da Gari
A tuke sai aci da Miya fa kwaki
41. Akanyi tuwo na shinkafa a tuke
Asa taushe fasai shagali da kwaki
42. Ana Dambu dashi a gama da Ganye
Akwai shi da martabobi rogo kwaki
43. Ya kanyi fushi izan an bata ransa
Barin ladabi ka motsa fushin saraki
44. Idan ka jikashi tun baka dakata ba
Ya kumbura wanga shi ka fusata kwaki
45. Izan ka shashi lallai zaiyi illah
Cikin ciki sai ya kumbura yai na Jaki
46. Su kwaki ai saraki ne hakika
Fa wake yin irin mulkinsa kwaki ?
47. Adon hakanan da zamaninsa yazzo
Faba motsi gurin sauran saraki
48. Su Gero sun fake hakanan su Dawa
Adan sababin zuwan Babansu kwaki
49. Su Wake ba mujin motsinsu su du
Su Masra sun fake sun tsorci kwaki
50. Su Rogo su Dankali duk sunka buya
Faba'a ganinsu don tsoronsa kwaki
51. Su Zogale sai ka barsu makaryata ne
Su Tafasa du kazam ladabi ga kwaki
56. Rama ma tayi karya tun a bara
Adan haka sai ta buya da taji kwaki
57. Sarautar tasa ba Kadhi da Joji
Adon yaki yazo shi Rogo kwaki
58. Walakin dai akwai ofis gareshi
Cikin kwano yake mulkinsa kwaki
59. Kuli-kuli shi kadai ya tsayawa daga
Gurin sarkinsa shine madawaki
60. Izan an nemi sulke sai fa mansa
Akan yafa su gishirine Dawaki
61. Su Barkono kusan sune mabusa
Gurin yaki sukan zuga rogo kwaki
62. Takobi cokaline babu shakka
Da yatsu ne kibobin Rogo kwaki
63. Idan damarunsa dun a yaki
Nufinsa shigi cikin kofa ta baki
64. Izan akasa ruwa bayan hakannan
Fa bom kenan na Garin Rogo Kwaki
Daga:
Muhammad Tatuhu
Muhammad Tatuhu
Zauren Makaɗa da Mawaƙa
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.