𝐓𝐀𝐌𝐁𝐀𝐘𝐀❓
Assalamu alaikum Malam shin ya
halatta ayi taimama saboda sanyi kuma gashi mutum yana da janaba A jikin shi
Saboda mun makara idan muka tsaya dafa ruwan zafi lokaci zai wuce kuma idan
nayi amfani da ruwan sanyi zan sani rashin lafiya Saboda ina da lalura ta
asthma, ko waje na fita na shaki sanyi sai ciwon ya tashi. Don Haka na samu
kasa mai tsarki nayi amfani da ita, Amma da zarar hantsi ya fito nake yin
wankan tsarki.
𝐀𝐌𝐒𝐀❗️
Wa'alaikumus-Salam. Hakika duk
wanda Ya tashi yin Sallah kuma yana ɗauke
da Janaba to dole ne sai ya tsarkaka sannan zai yi sallah, Saboda a Cikin
Al-qur'ani Allah (Swt) Yana Cewa;
يَا أَيُّهَا الَّذِينَ آمَنُوا إِذَا قُمْتُمْ إِلَى الصَّلَاةِ فَاغْسِلُوا وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُوا بِرُءُوسِكُمْ وَأَرْجُلَكُمْ إِلَى الْكَعْبَيْنِ ۚ وَإِنْ كُنْتُمْ
جُنُبًا فَاطَّهَّرُوا ۚ وَإِنْ كُنْتُمْ
مَرْضَىٰ أَوْ عَلَىٰ سَفَرٍ أَوْ جَاءَ أَحَدٌ مِنْكُمْ مِنَ الْغَائِطِ أَوْ لَامَسْتُمُ النِّسَاءَ فَلَمْ تَجِدُوا مَاءً فَتَيَمَّمُوا صَعِيدًا طَيِّبًا فَامْسَحُوا بِوُجُوهِكُمْ وَأَيْدِيكُمْ مِنْهُ ۚ مَا يُرِيدُ
اللَّهُ لِيَجْعَلَ عَلَيْكُمْ مِنْ حَرَجٍ وَلَٰكِنْ يُرِيدُ لِيُطَهِّرَكُمْ وَلِيُتِمَّ نِعْمَتَهُ عَلَيْكُمْ لَعَلَّكُمْ تَشْكُرُونَ
Yã ku waɗanda suka yi ĩmãni ! idan kun tãshi zuwa ga
salla, to, ku wanke fuskõkinku da hannuwanku zuwa ga magincirõri, kuma ku yi
shãfa ga kãnunku, kuma ku (wanke) ƙafãfunku
zuwa idãnun sãwu biyu. Kuma idan kun
kasance mãsu janaba,
to, ku yi tsarki, kuma idan kun kasance majinyata, kõ kuwa a kan tafiya, kõ kuwa ɗaya
daga gare ku ya zo daga kishi, kõ kuka yi shãfayyar junã da mãtã, sa´an nan ba
ku sãmi ruwa ba to ku yi nufin wuri mai kyau, sa´an nan ku yi shãfa ga
fuskõkinku da hannuwanku daga gare shi. Allah bã Ya nufi dõmin Ya sanya wani ƙunci
a kanku, kuma amma Yanã
nufi dõmin Ya cika ni´imarSa a kanku, tsammãninku kunã gõdewa. (Suratul Ma'ida aya ta 6).
An ruwaito hadisi daga Amr ibn
al-Aas (rta) Yace, "Na gamu da matsalar yin Mafarki (kuma har nayi Inzali)
a wani dare da ake yin masifar Sanyi kuma a karshen dare, sannan ina jin tsoro
akan cewa, idan nayi wankan tsarki zan mutu, saboda haka sai nayi taimama na
gabatar da sallar asuba tare da Abokanan tafiyata.
Suka gayawa Annabi Sallallahu
alaihi Wasallam abinda ya faru, Sai Ya tambayeni shin ko nayi abinda abokan
tafiya ta suka fadi game da Ni a cikin Janaba? Sai na gaya masa abinda ya same
ni da dalilina na rashin yin tsarki. Sai na karanta masa faɗin Allah (swt)
ۚ
وَلَا تَقْتُلُوا أَنْفُسَكُمْ ۚ إِنَّ اللَّهَ
كَانَ بِكُمْ رَحِيمًا
Kuma kada ku kashe kãnku. Lalle
ne Allah Yã kasance, game da ku, Mai jin ƙai ne. (Suratul Nisa'I aya 29).
Bayan na kammala sai Annabi
Sallallahu alaihi Wasallam yayi murmushi baice komai ba. (Imamu Abu Dawood ne,
ya ruwsito shi a hadisi na 334; a cikin saheeh Albaani ya kawo shi a cikin
Saheeh Abi Dawood.)
Ibn Hajar (Allah ya jikansa)
Yace; "Wannan Hadisi ya yardewa wanda ke tunanin yin Amfani da ruwa zai
kashe shi yin taimama, ko saboda Sanyin ruwan ko kuma wani dalili daban, kuma a
cikin sa akwai yardewa mutum yayi taimama yayi sallah ga wanda baya iya yin
alwala." (A duba a cikin Fatul Baar, 1/454).
Shi kuwa Shaykh ‘Abdul Azeez ibn
Baaz (Allah ya jikansa) Cewa yayi, "Idan Har baka iya Daura ruwa ko kuma
baka iya saye a makwaftanka a wani wuri zaka iya yin taimama Saboda Allah (Swt)
Yace;
فَاتَّقُوا اللَّهَ مَا اسْتَطَعْتُمْ
Sai ku bi Allah da taƙawa
gwargwadon abin da kuka sãmi
ĩko. (Suratul
Taghaabun aya ta 16) .
Saboda haka ya halatta Kiyi
taimama Idan har babu yanda zaki sami Ruwan dimi.
WALLAHU A'ALAM.
Zauren Fatawowi Bisa Alkur'ani Da
Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.