𝐓𝐀𝐌𝐁𝐀𝐘𝐀❓
Malam menene hukuncin 'yan matan da suke bada hotunansu ga
tsofaffi don su nema musu mijin aure ?
𝐀𝐌𝐒𝐀❗️
Addinin musulunci ya haramta kallo zuwa ga matar da ba
muharrama ba, sai in akwai larura, amma ya halatta ka kalli mace idan kana so
ka aure ta, kamar yadda yazo a cikin hadisi inda Annabi Sallallahu alaihi
Wasallam yake cewa "Idan dayanku yana neman aure, to in ya sami damar
kallon abin da zai kira shi zuwa aurenta, to ya aikata hakan" ABU DAWUD.
Malamai sun yi saɓani
akan wurin da ya kamata mutum ya kalla a jikin mace lokacin da yaje neman aure
1. Akwai waɗanda
suka ce zai kalli fuska da tafin hannu ne kawai.
2. Zai kalleta a kayan da take sawa a cikin gida, ta
fuskance shi ya kalle ta, sannan ta juya baya ya kalleta. Wannan ra'ayin shine
yafi dacewa, saboda ta haka mutum zai san yanayin matar da zai aura.
Bisa abin da ya gabata, za mu iya fahimtar cewa aikin
dalilin aure ya hallata, amma da sharuda. Ga wasu daga ciki
1. Ya zama hoton ya fito da asalin fuskar matar, bai
kwarzanta ta ba, ta yadda za'a iya yaudarar namijin, ko a ruɗe shi.
2. Ya zama wacce za'a bawa hoton mai amana ce, ta yadda ba
za ta nunawa wanda ba shi da nufin aure ba, saboda asali ya haramta ayi kallo
zuwa ga matar da ba muharrama ba, sai in
akwai larura, sai ga wanda yake nufin aurenta. Wannan yana
nuna cewa, bai halatta asa irin wannan hoton na neman aure ba a Facebook ko a
jarida.
3. Kada hoton ya ƙunshi fito da tsaraici, ya wajaba a tsaya
a iya inda shari'a ta bada umarni.
4. Zai fi dacewa ace mace ce za ta yi dalilin aure, saboda
idan namiji ne, zai iya fitinuwa da hotunan da yake gani, sai ɓarna ta auku, don haka
ita ma macen ya wajaba taji tsoron Allah a cikin aikinta.
Allah shi ne mafi sani.
Amsa daga Dr. Jamilu Yusuf Zarewa
Zauren Fatawoyi Bisa Alkur'ani Da Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayaDaAnsa
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.