𝐓𝐀𝐌𝐁𝐀𝐘𝐀❓
As-Salaamu Alaikum, Ni ban gane period ɗi na ba ne. Ka san an ce idan ya ɗauke mutum zai yi azumi, ko kuma idan ya canja daga ja zuwa brown. To, ni shekaranjiya ya ɗauke duka, sai na yi wanka, jiya kuma na yi azumi, amma da safe sai na ga brown kaɗan?
𝐀𝐌𝐒𝐀❗️
Wa Alaikumus Salaam Wa Rahmatul Laah .
Jinin haila yakan ɗauki ɗayan waɗannan launukan ne guda huɗu
1. Launin duhu (ba ja-jau ba)
2. Launin Ja (Ja zur)
3. Launin Ruwan ciwo (As-Sufrah)
4. Launin Ruwan ƙasa
(Al-Kudrah).
(Dubi Fiqhus Sunnah: 1/102 na As-Sayyid
Saabiq).
Don haka, duk lokacin da kika ga
kowane ɗaya daga cikin
waɗannan a farkon
jininki, to haila ce.
Amma idan guda biyun ƙarshe
suka zo miki a ƙarshen hailar, to a nan ba za ki ɗauke shi Haila ba kuma ba za ki damu da shi
ba. Haka Sahabiyya Ummu Atiyyah (Radiyal Laahu Anhaa) ta bayyana. Ta ce
كُنَّا لَا نَعُدُّ الْكُدْرَةَ وَالصُّفْرَةَ بَعْدَ الطُّهْرِ شَيْئًا
Mun kasance ba mu ɗaukar Al-Kudrah da
As-Sufrah a bayan tsarki a matsayin wani abu.
(Sahih Al-Bukhaariy: 326 da Abu-Daawud: 307).
Abin nufi da: ‘ƙarshen
hailar’ shi ne: ‘a bayan tsarki’, kamar yadda ya zo a cikin
hadisin, amma ba wai kafin ɗaukewar
jinin ba.
Domin Al-Imaam Al-Bukhaariy ya
riwaito (#19) cewa: Mata sun kasance suna aikawa da ’yar auduga mai ɗauke da launin fatsi-fatsi
(yellow) zuwa ga A’ishah suna neman bayanin tsarkin haila, sai ita kuma ta ce
لاَ تَعْجَلْنَ حَتَّى تَرَيْنَ الْقَصَّةَ الْبَيْضَاءَ
Kar ku yi gaggawa, ku bari har
sai kun ga Al-Qassatul Baidaa’u .
WALLAHU A'ALAM
Sheikh Muhammad Abdullaahi
Assalafiy
Zauren Fatawoyi Bisa Alkur'ani Da
Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://chat.whatsapp.com/Du5LNx31U9hDi6RƘbbrzgW
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.