Abubuwan Da Ke Ciki
Gabatarwa
A babi na goma sha uku an tattauna bayanai kan wasu nau’o’in abincin suya na gargajiya tare da misalan yadda ake gudanar da su. Idan aka lura da yadda ake gudanar da wasu nau’o’in abincin suya na gargajiya, akwai kamanceceniya matu ƙ a game da yadda ake sarrafa wasu nau’o’in abincin suyar na zamani. A bisa wannan dalili, a wannan babi,ba za a maimaita bayanan da aka riga aka gudanar a baya ba. A maimakon haka, za a ta ƙ aitu kan kawo kayan ha ɗ in da ke ƙ ar ƙ ashin kowane kawai. Daga cikin nau’o’in abincin suyar gargajiya da ke kama da na zamani akwai:
1. Masar gero
Kayan haɗi:
a. Albasa
b. Fulawa
c. Gero
d. Kanwa
e. Kayan yaji
f. Mai
g. Ruwa
h. Yis ko Nono
2. Masar Masara
Kayan haɗi:
a. Bakin foda
b. Fulawa
c. Gishiri
d. Kanwa
e. Kayan yaji
f. Mai
g. Masara
h. Ruwa
i.
Ɓ
ula
j. Yis ko Nono
3. Soyayyen Dankali
Kayan haɗi:
i. Dankali
ii. Gishiri
iii.Mai
i
v
. Ruwa
v
.Yaji
Masar Shinkafa
Kayan haɗi:
a. Albasa
b. Gishiri
c. Kanwa
d. Mai
e. Ruwa
f. Shinkafa
g. Suga
h. Yis ko Nono
Da farko za a
jiƙa
shinkafar a wanke
ta,
sannan a kai markaɗe.
Akan iya sanya yis kafin a kai markaɗe.
Idan kuma ana buƙata, za a iya bari har sai an dawo daga markaɗen
ƙullun
kafin a sanya. A gefe guda kuma za a dafa shinkafa. Daga nan za a kwaɓa wannan
ƙullun da dafaffiyar shinkafar da aka tanada, sannan sai a yanka albasa
a
kai tare da gishiri. Bayan gishiri,
akan iya ƙara
suga kaɗan a kai.
Wanda ba ya buƙatar yis yana
iya sanya nono. Akan sa kanwa yayin kwaɓa
ta domin gudun tsami
. Da zarar an kammala ƙwaɓa ƙullun sai a ajiye domin ya kumbura. Da
zarar ƙullun ya tashi, sai batun soyawa cikin
tanda.
Funkasau
Kayan haɗi:
a. Albasa
b. Alkama
c. Fulawa
d. Gishiri
e. Kanwa ko
yis ko nono
f. Mai
g. Ruwa
Za a wanke
alkama a shanya ta bushe, sai a niƙo ta, ana so garin ya yi
laushi luƙwai. Sai
a samu fulawa
a tankaɗe a saman
alkama daidai yadda ake buƙata. A gefe guda sai
a jiƙa yis da ruwan zafi
a saka gishiri ɗan
kaɗan da kanwa ko nono
mai tsami
,
sai a kwaɓa da ruwan
yis. A lura, kada ya yi tauri
da yawa, ko ya yi ruwa-ruwa. Bayan an ƙwaɓa, sai a rufe a aje cikin rana ko a
cikin kicin (
ɗ
akin
dafa abinci) domin ya kumburo. Wasu kuma sai ƙullun ya tashi suke saka
gishiri da kanwa da albasa
. Za a ɗora mai a wuta
a riƙa ɗebo
shi da hannu ana sanya shi saman marfin wani abu ko faranti a faɗaɗa shi. Daga nan za a riƙa sanya shi cikin mai
domin soyawa. Ga masu buƙata, ana iya
sanya kayan yaji domin ƙara masa ƙamshi.
Funkasau na Fulawa
Kayan haɗi:
i. Fulawa
ii. Garin waken suya
iii. Gishiri
iv. Ruwa
v. Yis
Za a tankaɗe fulawa, sai a ƙ
ara tankaɗe
waken suya a kanta, sai a
zuba gishiri daidai yadda ake bu
ƙ
ata a cakuɗa su sosai. Za a yi amfani da damammen ruwan yis ɗ
in da
aka tanada yayin kwaɓa shi. Sannan kar a manta, ana amfani da ruwan ɗumi ne yayin kwaɓa yis ɗin. Za a yi ta juya shi sosai domin ya
haɗe yadda ake bu
ƙ
ata.
Daga nan za a ajiye domin ya kumbura. Shi ma ana amfani da faranti ko wani abu
mai faɗi yayin suya,
tamkar dai yadda aka yi bayanin fankasau.
Alkubus
Kayan haɗi:
i. Bakin foda
ii. Fulawa
iii. Gishri
iv. Ruwa
v. Suga
vi. Yis
Za a tankaɗe fulawa, sai a zuba bakin foda (baking powder) da gishiri da suga daidai
gwargwado. Daga nan sai a jiƙa yis da ruwan zafi
sannan a kwaɓa
wannan
fulawar da shi. Yawanci akan samu ƙananan
kofuna na musamman wanda da su
ne ake dafa wannan nau’i na abinci. Bayan an sanya sai a jera su cikin tukunyar
da aka sa ruwa, sannan a ɗora
bisa wuta
. Yayin da ya dafu, za a ji ƙamshinsa
na tashi sosai.
Sinasir
Kayan haɗi:
i. Albasa
ii. Bakin foda ko nono
iii. Man gyaɗa
iv. Ruwa
v. Shinkafa
vi. Suga
vii. Yis
Za a sami shinkafar tuwo
a wanke
, sai a jiƙa, sannan a kai ta markaɗe.
Bayan an dawo da ita,
sai a kwaɓa tare da yis da bakin foda ko nono. Za a zuba
gishiri daidai gwargwado sannan a ajiye domin ta kumbura. Da zarar ta kumbura,
sai maganar suya. Ana soya sinasir ne ta hanyar amfani da firayin-fan (fraying-fan). Za a riƙa
sanya mai daidai gwargwado sannan a zuba wannan
ƙullu na sinasir da cokali ko wani ƙaramin
ludayi. Ana cin sinasir da miyar sos.
Miyar
za ta
iya kasancewa ta alayyafu ko dage-dage da dai makamantansu.
Gurasa
Kayan haɗi:
i. Bakin foda
ii. Fulawa
iii. Gishiri
iv. Ruwa
v. Suga
Fulawa da suga da bakin foda za a haɗe
wuri ɗaya a gauraya su sosai. Sai a tona tsakiya a
zuba ruwa a kwaɓa da ƙarfi-ƙarfi
sannan a ajiye domin ta tashi. Daga nan, za a naɗa
ta kamar ziro sai a saka yatsa a tsakiya a huda, amma hujin ya kasance mai faɗi. Daga nan sai a ɗora tukunya
a saman wuta
. Za a riƙa
sanya ƙullun
gurasar ciki ba tare da an sa mai ba. Da zarar gefenta guda ya gasu, sai a juya ta zuwa ɗaya gefen.
Kammalawa
Kamar yadda bayani ya zo a sama, akwai
ire-iren abincin soyawa da yawa da Hausawa
ke ta’ammuli da su. Ko bayan haka, a har
kullum ana
ƙ
ara samun sab
ab
bin fasahohin samfuran kayan soye-soye
a
ƙ
asar Hausa
.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.