Abubuwan Da Ke Ciki
Wannan rubutu yana ɗauke da bayanai game da yadda ake yin fanke da dibila da alkaki da nakiyar shinkafa da tsattsafa da hikima da cin-cin da ƙuli-ƙulin fulawa da kyak da kuma kyak ɗin ayaba. Kuna iya turo mana tsokaci ko tambaya a sashen comment da ke ƙasa.
Fanke
Kayan haɗin da za a tanada su ne:
i. Bakin foda
ii. Bota
iii. Fulawa
iv. Madara
v. Ƙwai
vi. Suga
Za a haɗa fulawa da madara da suga da bakin foda a kwaɓa su da ruwa. Daga nan sai a fasa ƙwai, sannan a narka bota a sanya su a ciki. Daga nan za a ɗ ora kaskon suyar ƙwai a riƙa ɗiba da ludayi ana zubawa yana gasuwa a hankali. Kada a bar shi wuta ta yi mai yawa; idan gefe ɗ aya ya yi, sai a juya ɗaya gefen shi ma ya soyu.
Di ɓila (Dibila Ko Dibilon)
Kayan haɗin da za a tanada su ne:
i. Fulawa
ii. Mai
iii. Ruwa
iv. Suga
v. Yis
Fulawa da yis
za a haɗe, sai a saka ruwa da mai a kwaɓa a niƙe su sosai kamar za a yi mitfayit,
sannan a naɗa. Daga
nan, sai a dafa suga da tsamiya
a saka a sama. Daga nan za a riƙa
soyawa cikin mai. Bayan an
kammala soya ta, za a narka suga sannan a riƙa tsoma shi a ciki. Wasu ma zuma suke sanyawa idan da hali.
Alkaki
Kayan haɗin da za a tanada su ne:
a. Alkama
b. Fulawa
c. Ruwa
d. Suga
e. Yis ko Nono
mai tsami
Za a ɓarza alkama sannan a samu fulawa,
sai a haɗe
su tare da yis a kwaɓa kamar za a yi cincin. Za
a ajiye shi sai ya tashi sannan a dunƙula da ƙarfi. Akan yi amfani da ƙarfe
yayin dunƙula
shi. Ana kiran sunan ƙarfen da ake dunƙula alkaki da shi aska. A maƙera ake samun sa.
Bayan wannan
ya samu, sai batun suya. Bayan an kammala
soyawa za a zuba dafaffen
suga tare da tsamiya
a
samansa.
Akwai kuma
nau’in alkakin da ake samarwa
ta hanyar niƙa
alkama a inji. Akan saka nono a ciki a bar shi ya kwana. Bayan ya kwana, za a sake zuba ƙullin
a turmi
a daka.
Daga nan ne kuma za a yi masa
ƙwaɓin alkaki.
Nakiyar Shinkafa
Kayan haɗin da za a tanada su ne:
i. Kayan yaji (citta, barkono/tonka)
ii. Ruwa
iii.
Ɗ
anyar Shinkafa
iv. Suga
v. Tsamiya ko lemon tsami
Da farko, za a wanke
shinkafar a bar ta har sai ta tsane sosai, sai a kai ta niƙa. Bayan an niƙa ta, za a tankaɗe
da rariyar fura. A gefe guda kuwa,
za a dafa suga sai ya koma kamar zuma. Daga nan sai a wanke turmin daka mai kyau,
sai a saka garin tare da kayan yaji a ɗauko dafaffen sugan nan a zuba a turmi
a kirɓa.
Za a riƙa
daka ana zuba wannan
dafaffen suga har sai ya haɗe gaba ɗaya, sannan a kwashe. Za a
iya sanya tsakin shinkafa ciki idan ana buƙatar ya ɗan
yi tsaki
-tsaki.
Wasu kuma suna yin nakiyar gero
ko maiwa
ko ta dawa
. Za a kai ta wurin ni
ƙ
a a
ɓarza, sai a sanya garin a cikin tukunya
a aza bisa wuta
. Daga nan za a riƙa juya
garin sannu a hankali har sai ya soyu. Za a sanya tsamiya
ko lemon tsami
a haɗa
da suga a yi ta motsa shi har sai ya fara yauƙi, sai a haɗa
da soyayen garin a kwaɓa.
Tsattsafa
Kayan haɗin da za a tanada su ne:
i. Bakin foda
ii. Fulawa
iii. Mai
iv. Ruwa
v. Suga
Za a haɗa fulawa da suga da bakin
foda, sannan a kwaɓa su tare da ruwa. Za a yi kwaɓin ruwa-ruwa. Ita tsatsafar ba a barin ta ta tashi kamar
sauran. Da an kwaɓa ta
za a fara soyawa. Daga nan sai a hura wuta
a saka mai a tukunya
. Idan ya yi zafi
, sai a ɗauko
gwagwa a ɗora ƙulun a
kai, ruwan ƙullun
za su shiga cikin mai ɗigo-ɗigo. Za a riƙa yi
ana juyawa domin ɗigon
su haɗe wuri ɗaya. Za kuma a riƙa yi
ana juyawa. Bayan an kammala suya za a daka suga a zuzzuba a kai.
Hikima
Kayan haɗin da za a tanada su ne:
i. Bakin foda
ii. Fulawa
iii. Mai
iv. Ruwa
v. Suga
Za a haɗa fulawa da bakin foda (baking powder) da suga a wuri ɗaya,
sannan
sai a saka ruwa a kwaɓa. Daga nan sai a ɗora mai a wuta
. Za a a riƙa ɗaukar ƙarfe
ana sakawa cikin mai. Idan ya yi zafi
, sai a saka cikin ƙullun
a mayar cikin mangyaɗa
a soya.
Cin-Cin
Kayan haɗin da za a tanada su ne:
i. Bakin foda
ii. Bota
iii. Fulawa
iv. Madara ta gari
v. Mai
vi. Ƙwai
vii. Ruwa
viii. Suga
ix. Yis
Za a haɗa fulawa da ƙwai da
madarar gari
da suga da
bota da kuma yis, sai a kwaɓa su da ruwa, amma ba sosai ba, ma’ana sama-sama za a sanya ruwan. Daga nan za a
bar shi har sai ya kumbura, sannan a ɗauko
a yayyanka. Da zarar an gama yankawa
sai batun suya.
Ƙuli-Ƙulin Fulawa (Doughanut)
Kayan haɗin da za a tanada su ne:
i. Fulawa
ii. Gishiri
iii. Mai
iv. Ƙwai
v. Ruwa
vi. Suga
vii. Yis
Za a zuba yis
da suga da ruwa kaɗan
a juya. Idan kuma ba a buƙatar haka, sai a dafa ruwan zafi
a zuba yis ɗin
da suga a ciki a ajiye gefe. Sannan sai a ɗauko
fulawa a zuba gishiri kaɗan,
sai a kawo ruwan da ke haɗe
da yis da suga a zuba cikin fulawa a kwaɓa.
Idan ya kwaɓu, za a iya saka mai a ciki a sake
kwaɓa shi don ya yi
laushi sosai. Daga nan za a bar shi a wuri mai zafi ya ɗan tashi, sai a ɗauko
shi a mulmula kamar ƙwallo a aje a gefe. Idan an iya yi, za a samo kwalba a saka
bakinta a tsakiya, inda nan za ta cire tsakiyar
ƙwallon da aka mulmula. Hakan zai ba da
damar a huda tsakiyar. Za a hura wuta
a aza tukunya
da mai a soya. Idan ɓ
angare
ɗ
aya ya soyu, sai a juya ɗaya ɓangaren shi ma ya soyu.
Kyak (Cake)
Kayan haɗin da za a tanada su ne:
i. Bakin foda
ii. Bota
iii. Fulawa
iv. Madara
v. Ruwa
vi. Suga
A samo roba
mai girma, sai a zuba bota da
suga a kwaɓe su sosai
har sai sugan ya narke tare da botan. Sai kuma a ɗauko
ƙwai
a fasa a ciki, sannan a ci
gaba da juyawa har sai ya haɗe
wuri guda. Daga nan sai a
zuba a roba a saka bakin foda da madara da kuma fulawa a ciki a juya sosai. Da zarar wannan
ya samu, sai a ɗauko
haɗin ƙwai da
suga da bota da tuni aka kwaɓa a zuba a ciki, sai a ci gaba da juyawa har sai sun
haɗe sosai. Sannan a
nemi gwangwani ko obun na gasa kyak a zuba a ciki. Kafin a zuba, za a riƙa shafa bota da ɗan wani ƙyalle. Har wa yau, za a shafe
cikin obun ko gwangwanin da ake
aikin da shi. Idan ya dafu,
za a ga hayaƙi
ya taso da ƙamshi
ko’ina.
Kyak na Ayaba
Kayan haɗin da za a tanada su ne:
i. Ayaba
ii. Bakin foda
iii. Bota
iv. Busasshen dabino
v. Busasshen inibi
vi. Fulawa
vii. Gishiri
viii. Madara
ix.
Ƙ
wai
x. Ruwa
xi. Suga
A tashin farko, za a ɓare ayaba kamar guda shida, sai a markaɗe a bilanda. A gefe guda kuwa, an fasa ƙwai guda takwas wa ɗ anda za a haɗa da bota a roba ɗaya tare da suga rabin gwangwani. Sannan za a zuba gishiri rabin cokali ɗaya a juya sosai a yi ta buga shi har sai ya narke. Daga nan, sai a sanya busasshen dabinon da aka cire ƙwallon aka gutsuttsure tare da busasshen inibi, sai a juya su a zuba fulawa a kwaɓa asake bugawa sosai. Daga nan sai a shafa mai a gwangwanayen yin kyak a riƙa zubawa ana sakawa ga obun domin gasawa. A wani nanzari ba gudu ba, akan iya yin sa kan tukunya . Za a iya gane ya nuna ta hanyar jin ƙamshinsa ko kuma ta hanyar sanya tsinke a cikinsa. Idan ya nuna, za a ga ƙullun bai maƙale a jikin tsinken ba.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.