𝐓𝐀𝐌𝐁𝐀𝐘𝐀❓
Malam ina so a yimin ƙarin bayani a gameda sallar walaha
(ُصَـــلَاة الـضُّــحَــيٰ)
𝐀𝐌𝐒𝐀❗️
Ita dai sallar walaha wata nafila ce da ake yinta bayan rana
ta fito ta ɗan ɗaga sama kaɗan, kuma nafila ce da
Mαnzon Allαн(Sallallahu alaihi Wasallam) ya kwaɗaitar
a riƙa
yinta saboda ɗimbin
ladan da ke cikinta, domin akwai Hadisai masu ɗimbin
yawa na Mαnzon Allαн(Sallallahu alaihi Wasallam) da yake kwaɗaitarwa game da yinta,
saboda ɗimbin falala
da ke cikintara, kuma lokacinta yana farawa ne bayan hudowar rana yayinda ta ɗan ɗaga sama kaɗan har zuwa lokacin da
rana za ta yi zawali.
Alal haƙiƙa babu wani saɓani tsakanin Malamai game da cewa mafi ƙarancin
abinda akeyi a sallar walaha shi ne raka'a (2).
Sai dai Malamai sunyi saɓani
ne a game da cewa nawa ne mafi yawa na adadin raka'o'in sallar walaha? Malaman
da ke Mazhabin MALIKIYYA da kuma mafi yawa na Malaman da ke Mazhabin SHAFI'IYYA
da HANABILA, sun tafi ne akan cewa mafi yawan adadin raka'o'in sallar walaha su
ne raka'o'i(8), kuma sun kafa hujja ne da Hadisin Ummu Haniy da tace
"أن النبي(ﷺ) دخل بيتها يوم فتح مكة، فصلي ثماني
ركعات، ما رأيته صلي صلاة قط أخف منها، غير أنه كان يتم الركوع والسجود"
(رواه البخاري)
MA'ANA
Mαnzon Allαн(ﷺ)
ya shiga ɗakinta
(Ummu Haniy) a ranar da a ka yi fathu Makka, yayi Sallah raka'a (8), (tace)
tunda nake ban taɓa
ganinsa yayi sallah mai sauƙi (sauri) kamar rannan ba, tare da cewa
yana cika ruku'inta da sujjadar ta
Amma Malaman Mazhabin HANAFIYYA tare da wani ɓangare na Malaman da ke
Mazhabin SHAFI'IYYA, su sun tafi ne akan cewa mafi yawan adadin raka'o'in
sallar walaha su ne raka'o'i(12), sun kafa hujjarsu ne da wani Hadisi na Anas Ɗan
Malik da yace Mαnzon
Allαн(Sallallahu
alaihi Wasallam) Yace
"من صلي الضحي ثنتي عشرة ركعة بني الله له قصرا
من ذهب في الجنة،"
(رواه الترمذي)
MA'ANA
Duk Wanda yayi sallar walaha raka'a (12) to Allαн(ﷻ) zai gina masa
katangar zinare a gidan Aljannah
To amma sai dai wannan Hadisi da suka kafa hujja da shi,
akwai ƙwanƙwasa
a kansa, wato dai Hadisi ne Mai rauni kamar yadda Malamai suka faɗa, sai dai wasu Malaman
suna ganin babu laifi ayi amfani da Hadisi mai rauni amma a ɓangaren da ya shafi aikin
mustahabbi kaɗai.
To amma sai dai magana mafi inganci kamar yadda Malamai suka
rinjayar itace, adadin raka'o'in sallar walaha su ne raka'o'i (8)
шαʟʟαнυ-тα'αʟα α'αʟαмυ
Mυѕтαρнα Uѕмαи
08032531505
Zauren Fatawoyi Bisa Alkur'ani Da Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://chat.whatsapp.com/GUq2GCCzlcdL6nknqLYYox
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayaDaAnsa
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.