𝐓𝐀𝐌𝐁𝐀𝐘𝐀❓
As-Salaam Alaikum. Nakan ji
mutane suna faɗin
wannan kalmar: ‘Allaah ya ƙara wa Annabi (Sallal Laahu Alaihi Wa
Alihi Wa Sallam) daraja.’
Shin ko wannan daidai ne?
𝐀𝐌𝐒𝐀❗️
Wa Alaikumus Salaam Wa Rahmatul
Laah.
Idan ana nufin sanin hukuncin yi
masa addu’a da hakan ne kawai, wato a roƙa masa ƙarin daraja daga Allaah da waɗannan kalmomin, wannan a
fahimtata ba laifi ba ne, in sha Allah. Domin a cikin Alqur’ani Allaah Ta’aala
ya ce
إِنَّ اللَّهَ وَمَلَائِكَتَهُ يُصَلُّونَ عَلَى
النَّبِيِّ يَاأَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا
Haƙiƙa Allaah da Mala’ikunsa suna yi wa Annabi salati. Ya ku waɗanda suka yi imani, ku yi
masa salati kuma ku yi sallama cikakkiyar sallama. (Surah Al-Ahzaab: 56).
Al-Haafiz Ibn Hajr Al-Asqalaaniy
ya ambato fassarar Salati, wadda ya ce ita ce duk ta fi, daga Abul-Aliyah cewa:
مَعْنَى صَلَاةِ اللهِ عَلَى نَبِيِّهِ: ثَنَاؤُهُ
عَلَيْهِ وَتَعْظِيمُهُ، وَصَلَاةُ الْمَلَائِكَةِ وَغَيْرِهِمْ عَليْهِ: طَلَبُ ذَلِكَ
لَهُ مِنَ اللهِ تَعَالَى، وَالْمُرَادُ طَلَبُ الزِّيَادَةِ لَا طَلَبُ أَصْلِ الصَّلَاةِ
Ma’anar salatin Allaah ga Annabi
shi ne yabonsa a gare shi da kuma girmama shi. Salatin Mala’iku da mutane kuwa
shi ne: Neman hakan gare shi daga Allaah Ta’aala. Wato neman Allaah ya ƙara
masa hakan, ba neman asalin salatin ba. (Fat-hul Baariy: 11/156).
Don haka, neman Allaah ya ƙara
wa Annabi Manzon Allaah (Sallal Laahu Alaihi Wa Alihi Wa Sallam) ƙarin
girma da ɗaukakar
daraja ta wannan fuskar ba laifi ba ne.
Amma idan ana nufin mayar da
wannan wata kalmar maimaitawa a kowane lokacin murna ko farin ciki da
makamantan hakan, wannan kam matsala ne. Domin ban san aikata hakan a cikin
magabatan wannan al’ummar ba, waɗanda
kuwa su suka fi na-bayansu cikan imani da taqawa da ƙaunar Allaah da
Manzonsa, kuma su suka fi kowa gudun saɓa
wa Allaah da Manzonsa (Sallal Laahu Alaihi Wa Alihi Wa Sallam). Shiyasa bin
hanyarsu a cikin komai ya zama shi ne kaɗai
hanyar tsira, kamar yadda ya ke a wurin Ahlus-Sunnah.
Idan kuwa ana ƙoƙarin
mayar da wannan kalmar ta zama a duk lokacin da aka kira sunansa ne, to wannan
kuma kuskure ne a fili. Domin ya saɓa
wa abin da shi kansa Manzon Allaah (Sallal Laahu Alaihi Wa Alihi Wa Sallam) ya
faɗa
« الْبَخِيلُ الَّذِى مَنْ ذُكِرْتُ عِنْدَهُ
فَلَمْ يُصَلِّ عَلَىَّ ».
Marowaci shi ne wanda aka ambace
ni a wurinsa amma bai yi mini salati ba. (Sahih At-Tirmiziy: 3546).
Wannan ya nuna abin da ya ke
daidai shi ne a yawaita yi masa salati a duk lokacin da aka ambaci sunansa a
wurin musulmi, da irin lafazin salatin da ya koya wa sahabbansa a cikin
rayuwarsa kafin rasuwarsa, ba waccan addu’ar ba.
Wannan shi ne abin da na fahimta
daga wannan mas’alar.
WALLAHU A'ALAM
Sheikh Muhammad Abdullaah
Assalafiy
Ga masu tambaya sai su turo ta
WhatsApp number: 08021117734
Zauren Fatawoyi Bisa Alkur'ani Da
Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://chat.whatsapp.com/DSdbBS8RZVoIKYG5exOuZE
𝐅𝐀𝐂𝐄𝐁��𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayaDaAnsa
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.