𝐓𝐀𝐌𝐁𝐀𝐘𝐀❓
Assalaamu Alaikum Wa Rahmatul
Laah. Mutum ne yake azumi sai ya ɗanɗana girki, shi ne kuma
yake waswasin ko ya haɗiye
abin ko bai haɗiye ba.
Yaya matsayin azuminsa?
𝐀𝐌𝐒𝐀❗️
Wa Alaikumus Salaam Wa Rahmatul
Laahi Wa Barakaatuh.
Da farko dai ya halatta mutum ya ɗanɗana wani abinci idan buƙatar
hakan ta taso masa, kamar mai shirya abincin ko sayensa don ya gane yanayinsa.
Abdullaah Bn Abbaas (Radiyal Laahu Anhumaa) ya ce:
لاَ بَأْسَ أَنْ يَذُوقَ الْخَلَّ ، أَوِ الشَّيْءَ
مَا لَمْ يَدْخُلْ حَلْقَهُ وَهُوَ صَائِمٌ.
Babu laifi idan mutum ya ɗanɗana khal ko wani abin da yake son sayensa,
matuƙar
dai bai shiga maƙoshinsa ba, alhalin yana azumi. (Ibn Abi-Shaibah: 9369, kuma
Albaaniy ya hassana shi a cikin Al-Irwaa’:
4/86).
To, idan mutum ya aikata irin
wannan abin da aka halatta masa a shari’a, kamar ya shaƙa ruwa ko ya kurkure
baki a wurin alwala, ko ya tattauna wa ƙaramin yaro abinci, ko kuma ya ɗanɗana abincin a kan harshensa, sai kuma
abincin ya zarce ya shige cikin maƙogwaronsa a bisa kuskure ba da gangar ko
da son ransa ba, a nan malamai sun sha bamban.
Amma maganar da ta fi daidai in
Shã Allahu ita ce: Azuminsa yana nan daram, bai ɓaci
ba saboda dalilai irin waɗannan
Allaah Ta’aala ya ce
وَلَيْسَ عَلَيْكُمْ جُنَاحٌ فِيمَا أَخْطَأْتُمْ
بِهِ وَلَكِنْ مَا تَعَمَّدَتْ قُلُوبُكُمْ
Kuma babu wani laifi a kanku a
cikin abin da kuka yi kuskure a kansa, sai dai kawai abin da zuciyarku ta
ganganta. (Surah Al-Ahzaab: 5).
Sannan kuma Annabi (Sallal Laahu
Alaihi Wa Alihi Wa Sallam) ya ce
« إِنَّ اللَّهَ تَجَاوَزَ عَنْ أُمَّتِى الْخَطَأَ
وَالنِّسْيَانَ وَمَا اسْتُكْرِهُوا عَلَيْهِ ».
Haƙiƙa! Allaah ya yafe wa al’ummata kuskure da mantuwa
da abin da aka tilastata a kansa. (Sahih Ibn Maajah: 1662).
Kuma da ma abu ne sannane daga
Sunnar Annabi (Sallal Laahu Alaihi Wa Alihi Wa Sallam) cewa
« مَنْ نَسِىَ وَهُوَ صَائِمٌ فَأَكَلَ أَوْ شَرِبَ
فَلْيُتِمَّ صَوْمَهُ فَإِنَّمَا أَطْعَمَهُ اللَّهُ وَسَقَاهُ
».
Wanda ya manta a halin yana azumi
sai ya ci ko ya sha, to ya kammala azuminsa domin Allaah ne kawai ya ciyar da
shi kuma ya shayar da shi. (Sahih Al-Bukhaariy: 6669, Sahih Muslim: 2772).
Idan mun fahimci wannan, to ina
kuma wanda a bayan ya ɗanɗana ne kuma yake shakkar
cewa ko abincin ya shiga ko bai shiga maƙogwaronsa ba? Wannan shi ya fi cancantar
a tabbatar da rashin ɓacin
azuminsa, in Shã Allãh.
WALLAHU A'ALAM
Sheikh Muhammad Abdullaah
Assalafiy
Zauren Fatawoyi Bisa Alkur'ani Da
Sunnah. Ku kasance Damu...
𝐖��𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayaDaAnsa
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.