𝐓𝐀𝐌𝐁𝐀𝐘𝐀❓
Allah ya kara wa malam lafiya
ameen. Malam menene hukuncin Wanda yakaranta wasu surori daga cikin alqur'ani
alhalin yana cikin janaba wato bai tsarkake jikin sa ba?
𝐀𝐌𝐒𝐀❗️
Wa'alaikumus Salám, Mafi yawan
malaman Fiqhu daga Mazhabobin nan huɗu
sun tafi a kan haramcin karanta Alqur'ani ga mai janaba ko da kuwa da ka ne.
Imamut Tirmizhiy ya bayyana cewe:
"Wannan fahimtar ita ce maganar mafi yawan ma'abota ilimi daga cikin
Sahabbai da Tabi'ai, da waɗanda
suka biyo bayansu, kamar su Sufyanut Thauriy, da Ibnul Mubárak, da Assháfi'iy,
da Ahmad da Ishaq". Sunanut Tirmizhiy (1/195).
Haka nan Alkásániy ya ce:
"Ba ya halasta ga mai janaba ya yi karatun Alqur'ani a wurin gamayyar
malamai". Badá'i'us Saná'i'i (1/37).
Shaikhul Islam Ibn Taimiyya ya
ce: "Haka nan mai janaba ba zai karanta Alqur'ani ba a fahimtar mafi yawan
malaman mazhabobin Fiqhu guda huɗu,
da ma wasunsu, kamar yadda Sunnah ta yi nuni a kan haka".
Duba Majmú'u Fataawá na Ibn
Taimiyya (17/12).
Saboda haka ƴar
uwa ba ya halasta ga mai janaba ya karanta Alqur'ani har sai ya yi tsarki,
wanda kuma ya yi hakan ya yi kuskure a bisa fahimtar mafi yawan malamai. Kuma
wannan ita ce Fatawar da Lajna suka bayar a mujallad na biyar shafi na 429.
Allah S.W.T ne mafi sani.
Jamilu Ibrahim Sarki, Zaria.
Zauren Fatawoyi Bisa Alkur'ani Da
Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayaDaAnsa
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.