𝐓𝐀𝐌𝐁𝐀𝐘𝐀❓
Assalamu alaikum malam barka safiya. Malam Allah ubangiji
yasa muku da alkhairi da irin wannan tunasarwa da gudummawa da kuke kokarin
bamu Allah yasaka da mafificin alkhari. Malam "yar uwa ta ma'ana ya'yata
tana sanya sarka a kafar ta idan anyi mata magana sai tace wai addini ya yarda
da saka sarka a kafa ita babu ruwanta da abinda mutane zasu fada akanta har
status take da wannan hoton.
𝐀𝐌𝐒𝐀❗️
Wa'alaikumus Salam warahamtullahi Wabarkatuh
Eh lallai Addini ya yarda Mace ta sanya Sarka a Kafar ta,
Addinin Allah ya yarda da shi ko a Zamanin Annabi ma mata suna Saka Sarka a
Kafar Su.
Toh amma ba za'a kafa hujja da shi ba ace bari a saka ba
tunda Addini ya yarda da shi, ai Addinin Musulunci ba Addinin Wawaye bane,
Akwai Abunda Addinin yake dubawa kafin tayi Hukunci akan abu, shi Addinin
Musulunci a kullum yana duba A Zamani ne da Abunda Zamani yake tafiya da shi,
Matukar Addinin Allah ya samu Cewa ai Wannan Abun mutanen Banza ne suke Ƙwalliya
da shi, toh Wajibi ne Addini ya hana Saka shi Saboda Hadisin Annabi da yayi
Magana Cewa duk Wadda ya Siffantu da wasu Mutanen Banza toh Shima yana Cikin su
a Ranar Alkiyama, Shin Sarkar Kafa a Yanzu Mutanen Ƙwarai ne Suke Sakawa Ko
Ƴan
Maɗigo ne? Idan
mutanen Banza ne Kenan ya Haramta ga Mutumiyar Kirki ta Saka, amma idan
Mutumiyar Kirki ne Suke Sakawa Kenan sai a bi Hadisin Zamanin Annabi a lokacin
da Mata Suke Sakawa amma Annabi bai hana su ba.
Saboda Haka a Yanzu ya zama Cewa ƴan iska ne masu sawa,
don haka ke Mutumiyar Kirki me zai kai ki, ki saka abun Mutanen Banza ƴan
Maɗigo?? Kin ga
Kenan duk Mutumiyar Kirki ba zata so ace yau an kamantata da Mutanen Banza ba,
Yanzu ke ba ki Karuwanci, sai wata Qawar ki ko mijin ki ya ce miki Karuwa, don
Allah me za ki ji a Ranki??
Sannan kuma Annabi ne ya ce ma duk Wadda ya Siffantu da wasu
Mutanen Banza a wajen sanya sutura ce ko a wani abu daban, toh yana Cikin su,
kuma a Ranar Alkiyama Za'a tashe su tare, toh shin ya zatayi da Wannan Maganar
Annabi? Tunda ga shi dai Ƴan Maɗigo
sune masu Amfani da Sarkar Kafa, itama kuma tace ai Addini ya yarda da shi don
haka zata saka babu ruwan ta da Maganar mutane, kenan itama tana Cikin su,
Sannan ga Hadisi ya zo daga Annabi a Ranar Alkiyama zasu tashi tare.
Shin ta san Ranar mutuwar ta ne? Idan tana Cikin sakawa sai
Allah ya Ɗauki
Rayuwar ta fah? Me zata gayawa Ubangijin ta? Kin ga Kenan a Ranar Alkiyama tana
layin Waɗancan Ƴan
Maɗigo masu Saka
Sarka a Kafar Su Domin da suke take koyi bata koyi da Mutanen Ƙwarai
waɗanda suka ji an
ce bai dace ba suka ɗena
sakawa ita tace A'a. Idan kuma tana yin Maɗigon
toh nan kuma Azabar yafi Haka.
Saboda Haka ba hujja bane cewa don Addini ya yarda da shi
Sannan kuma a rika Sakawa, ai Addinin ma yana duba zamani ne da kuma Abunda
yake tafiya a Cikin zamani sannan sai yayi Hukunci akai. Dafatan kin gane koh? Ki
tura musu su karanta dakyau ba Burgewa bane ba kuma ƙwalliya ba ce, Wajibi
ne a ji Tsoron Allah a Siffantu da Siffar mutanen Kirki ba mutanen Banza ba.
WALLAHU A'ALAM.
Zauren Fatawoyi Bisa Alkur'ani Da Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayaDaAnsa
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.