𝐓𝐀𝐌𝐁𝐀𝐘𝐀❓
Assalamu alaikum malam, don Allah
zan iya ɗaukar
Alqur'ani izifi sittin a halin ina cikin rashin tsarki kuma ga shi za ni
Islamiyya muna yin hadda ne. Kuma malam wata rana malaminmu ya kan ce ka miqo
mai Alqurani kuma ba ka da tsarki ya za ka yi saboda wasu sun ce wai ba a son
wanda ba muharraminka ba ya san ba ka da tsarki, don Allah a taimaka mana Allah
ya qara basira ya kuma shirya mu a bisa tafarkin addini.
𝐀𝐌𝐒𝐀❗️
Wa'alaikumus salam, ya halasta
mai haila ɗalibar
Alqur'ani ko malamar Alqur'ani su taɓa
shi a lokacin da suke kan darasi ko suke hanyar zuwa ɗauko darasi gwargwadon buqatarsu ko don wata
maslaha, ko da kuwa izu sittin ne.
Haka nan duk hadasin da malamai
suka ce yana hana ɗaukar
Alqur'ani saboda shi, to ana ɗaga
wa ɗalibai da
malaman Alqur'ani qafa musamman a lokacin da buqatar darasinsu ta taso masu, ko
wata maslaha da ta tilasta masu taɓawar
musamman a fahimtar Mazhabarmu ta Malikiyya.
Duba Assharhul Kabeer ko
Háshiyatud Dasuqiy (1/125, 126).
Amma idan ba ɗaliba mai koyon karatu ba
ne, kuma ba malama mai koyar da karatun ba ne, to bai halasta su taɓa Alqur'ani a halin
janaba ko haila ba a fahimtar mafi yawan malamai.
Allah S.W.T ne mafi sani.
Jamilu Ibrahim Sarki, Zaria.
Zauren Fatawoyi Bisa Alkur'ani Da
Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayaDaAnsa
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.