𝐓𝐀𝐌𝐁𝐀𝐘𝐀❓
Assalamu alaikum Malam tambayata
itace: menene hukuncin Wanda yasha Azumi da gangan? Kuma menene hukuncin samari
da yan mata da suke biyawa kansu bukata alhali suna azumi?
𝐀𝐌𝐒𝐀❗️
Wa Alaikum Salaam:- Karya Azumi
da Gangan Haramun Ne Kuma Yana Daga Cikin Manya-Manyan Laifuka a Wajen Allahu
Subhanahu Wata'ala. Don Haka Duk Wanda Ya Karya Azumin Na Rana Ɗaya
tak ba tare da Wani Uzuri Mai Karfi Wanda Shari'ar Musulunci Ya Yarda Da shi
ba, Kuma Ɓai
Tuba ba, toh Babu Abin da Wannan Mutumin Zai Yi Ya isar Masa da Azumin Sa, Koda
Kuwa Yayi Azumin Zamani Guda Gaba ɗayanta,
toh bai Taɓa isar
masa da Wannan Azumin guda 1 Tak da Ya Karya Shi da Gangan Nan.
Saboda Faɗin Annabi Muhammad Mai Tsira Da Amincin
Allah Su Tabbata Agare Shi, (( Duk Wanda Ya Karya Azumi Rana ɗaya daga Cikin Ramadan,
Ba a AKan Wani Rangwame da Allah Yayi Masa ba, toh Azumin Zamani gaba ɗaya ba Zai iya Rama Masa
Wannan Azumin nasa guda Dayan Nan ba. Duba Cikin Dawud))
Mutum Yayi Asara Babba Wallahi,
Azabar Allah Ya Tabbata ga Wanda Ya Karya Azuminsa da Gangan, Azaba mai Girma.
An Karɓo Hadisi Daga
Abu Umaimata Al-Bahili Allah Ya Kara Yarda Gare Shi, Yace Na Ji Manzon Allah
Sallallahu Alaihi Wasalam Yana Cewa, Ina Cikin Barci, Sai Wasu Mutane Ɓiyu
2 Suka Zo Min, Sannan Suka Tafi da Ni, Sai Kawai Na ga Wasu Mutane An Rataye Su
ta Agarar Su, Muqamuqansu a Tsatsassage, Jini Yana ta Ƙwarara. Sai Ya Ce, Na
Ce Shin Su Wanene Waɗannan?
Sai Ya Ce, Waɗannan
Waɗanda Suke Karya
Azumin Su ne Tun Gabanin Lokacin Shan Ruwa Yayi)) Duba Cikin (Ibn Hibban)
Muna Kira Zuwa ga Matasa da Ƴan
Mata Wallahi Ku ji Tsoron Allah Ku Sani Cewa Mutuwa zata Zo mu Ku a Lokacin da
Ba ku Shirya mata Zuwa ba. Wallahi Kada Budurcin Ki, Balagar ki Kuruciyar ki Ya
Kai ki ga Saɓawa
Allah Wanda Za'a Miki Azaba Mai Raɗaɗi a Ranan Alkiyama
Musamman na Qin yin Azumin Watan Ramadan.
Abin Mamaki ne wai Ana yin Azumi
Ana Neman Gafaran Allah, Amma Wasu Ƴan Matan Biyawa Kansu Bukata Suke yi
gurin Kallon Alfasha Tsiraicin Arna, har Sai ta Fitar da Maniyyi ko Maziyyi da
Ranan Alhali Kuma Ana Azumi. Hakanan Maza Samari Wani Budurwa Yake Ɗaukowa
Yana Zina da Ita da Rana a Cikin Watan Azumi Kuma Dukkan Su Musulmai ne Inna illahi
Wa'inna illahin Rajee'um Subhanallah.
Wanne Irin Masifa ce Wannan? Wanne Irin Bala'i
Ce Wannan? Ke Kina Son Biyawa Kanki Bukata Menene Zai Hanaki Yin Aure Koda Babu
Kayan Lefe da Sauran su? Kin Sa Buri a Ranki Samari Sun Ki Zuwa Ga Sha'awa na
Tayar ki Kin ga Gara Bin Umurnin Allah da Manzon Allah Kin qi Yin Aure Yaya Ba
Za ki Rika Saɓawa
Allah ba? Daga Karshe Allah ya ɗauki
Ranki ba ki Shiryawa Mutuwa me Za ki gayawa Ubangijin ki? Wallahi Ku Ji Tsoron
Allah Ƴan
Mata da Samari har da Matan Aure Masu Irin Waɗannan
Ayyukan, Ba Zaku Taɓa
Tsira a Gaban Allah ba a Ranan Alkiyama. Allah Ya Tsare ya Shirya.
WALLAHU A'ALAM.
Zauren Fatawoyi Bisa Alkur'ani Da
Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://chat.whatsapp.com/DSdbBS8RZVoIKYG5exOuZE
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayaDaAnsa
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.