𝐓𝐀𝐌𝐁𝐀𝐘𝐀❓
As-Salaam Alaikum Wa Rahmatul Laah. Ina son yin sallar dare, amma ba na iya farkawa ƙarfe biyu (2: 00am), to ko zan iya yi ƙarfe sha-ɗaya (11: 00pm) ko sha-biyu (12: 00am) ko kuma ƙarfe ɗaya (1: 00am)?
𝐀𝐌𝐒𝐀❗️
Wa Alaikumus Salaam Wa Rahmatul
Laah Wa Barakaatuh.
Lokacin sallar dare (Qiyaamul
Laili) yana farawa ne daga bayan gama sallar isha’i har zuwa fitowar alfijir.
Don haka, ya halatta mutum ya yi wannan sallar a tsakanin waɗannan lokutan guda biyu, ko
da a bayan gama sallar isha’i ne nan-take. Babu wata takurawa ko damuwa a kan
haka, musamman ga wanda ba ya iya farka wa a ƙarshen daren.
Amma dai an fi son a kai sallar
ce zuwa ƙarshen
dare, kafin fitowar alfijir ga wanda ya samu iko, saboda fa’idoji kamar haka
1. A lokacin an fi samun jin daɗin ganawa da Ubangiji,
domin bayan farkawa daga barci jiki ya samu hutawa, kuma zuciya ta samu ƙarin
natsuwa.
2. A lokacin yanayin gari yana da
daɗi, akwai sanyi da ƙarancin
zafi, kuma akwai iska mai daɗi,
don haka akwai natsuwar zuciya da jiki a wurin ganawa da Mahaliccinmu
(Tabaaraka Wa Ta’aala).
3. A lokacin mala’iku suna kusa
da saukowa domin halartan sallar Asubah a cikin masallatai a bayan ketowar
alfijir, don haka akwai sa-ran amsar addu’o’in masu yin sallah a lokacin.
4. A lokacin ne Allaah Ta’aala
yake saukowa zuwa saman duniya yana cewa: Wa zai yi addu’a gare ni in amsa
masa? Kuma wa zai roƙe ni in ba shi buƙatarsa? Kuma wa zai nemi gafarata in
gafarta masa?
(Al-Bukhaariy: 7494; Muslim: 758)
Allaah ya datar da mu.
WALLAHU A'ALAM
Sheikh Muhammad Abdullaah
Assalafiy
Turo tambayarka ta WhatsApp
number, banda kira ko tambayar gaggawa. 08164363661
Zauren Fatawoyi Bisa Alkur'ani Da
Sunnah. Ku kasance Damu...
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.