𝐓𝐀𝐌𝐁𝐀𝐘𝐀❓
Assalamu alaikum warahmatullah.
Tambayoyi akan Mafi karancin sadaki sun Yi yawa, musamman yadda naira ta karye,
rayuwa ta shiga tasku, hidimomi suka hau kan mutane. Malam ko akwai wani nassi
ingantacce wanda ya iyakance mafi karancin sadaki ?
𝐀𝐌𝐒𝐀❗️
Wa alaikum assalam. Babu wani
nassi bayananne yankanke da ya yi bayanin mafi karancin sadaki, sai dai kiyasi
da tsantsar ijtihadi .
A mazhabar Malikiyya mafi
karancin sadaki shi ne 1/4 na dinare, kwatankwacin sama da naira (100,000) a
halin yanzu, sai dai sun kafa hujja ne da kiyasi, inda suka ce ana yanke hannun
barawo idan ya saci Ɗaya cikin huɗu
na dinare, saboda haka aka batar masa da gaba, aka yanke ta, saboda 1/4 na
dinare, to shi ma Wanda ya auri mace zai batar mata da wata gaba a jikinta
(budurci), wannan ya sa suka Yi tarayya a hukunci،
don haka, ba ya halatta a biya kasa da 1/4 na dinare, kamar yadda
Ibnu Abdulbarr ya ambata a littafinsa Attamhid 2/186.
A wajan mafi yawancin malamai ya
halatta duk wani abu mai kima a idon mutane ya zama sadaki ko da kuwa naira (5)
ce, sun kafa hujja da hadisin da Bukhari da Muslim suka rawaito, inda Annabi
Sallallahu alaihi Wasallam ya aurawa wani sahabinsa wata mace, Amma sadakinta
shi ne wasu daga cikin surorin Alkur'ani, ba a ba ta ko sisi ba.
Mazhabar Malikiyya a wannan
matsalar tana da karfi, saboda hakan zai karawa aure daraja da martaba a idon
miji, sai dai wanda ya ba da kasa da haka a matsayin sadaki, auransa ya inganta
saboda rashin samun nassi bayananne akan mas'alar, sai ijtihadi, wannan yasa a
Saudiyya har akan riyal Ɗaya ana iya halattawa miji mace.
Wanda ya bada naira (1,000) a
matsayin sadaki, auransa ya dauru, Amma in ya bayar da kuɗi masu yawa zai samu lada
mai yawa, wannan yasa Umar (RA) ya fasa yanke mafi yawancin sadaki saboda ayar
da ta zo suratun Nisa'i.
Don neman karin bayani a duba
Bidatul Mujtahid wa nihayatul Muktasid
Allah Ne mafi sani.
Dr. Jamilu Yusuf Zarewa
Zauren Fatawoyi Bisa Alkur'ani Da
Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayaDaAnsa
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.