𝐓𝐀𝐌𝐁𝐀𝐘𝐀❓
As-Salaam Alaikum Wa Rahmatul Laah. A cikin tahiyar Sallah shin mutum zai cigaba da motsa yatsarsa har zuwa wurin yin addu’a ne, ko kuwa dai ba a yi?
𝐀𝐌𝐒𝐀❗️
Wa Alaikumus Salaam Wa Rahmatul
Laah Wa Barakaatuh.
A kan mas’alar miƙe
yatsa da karkaɗa ta
malamai sun saɓa wa
juna, amma dai ga abin da Malaman Hadisi suka riwaito, kamar yadda Al-Imaam
Al-Mujaddid Al-Albaaniy (Rahimahul Laah) ya kawo a cikin mashahurin littafinsa:
Sifatu Salaatin Nabiyy (Sallal Laahu Alaihi Wa Alihi Wa Sallam) shi ne
Al-Imaam Muslim (2/90-91) da Abu
Awaanah (2/223) da Abu-Daawud (1/156) da An-Nasaa’iy (1/186) da Muhammad a
cikin ‘Muwattarsa’ (106) da Ahmad (2/65), dukkansu sun riwaito ta hanyar
Al-Imaam Maalik (1/111-112) wanda shi kuma ya riwaito da isnadinsa zuwa ga
Aliyyu Bn Abdirrahman Al-Mu’aawiy, wanda ya ce
Sahabi Abdullaah Bn Umar (Radiyal
Laahu Anhumaa) ne ya ganni ina wasa da tsakuwoyi a cikin sallah, lokacin da na
gama sai ya hana ni, kuma ya ce: ‘Ka riƙa yin yadda Annabi (Sallal Laahu Alaihi
Wa Alihi Wa Sallam) yake yi mana!’
Na ce: ‘Yaya Annabi (Sallal Laahu
Alaihi Wa Alihi Wa Sallam) yake yi?’
Ya ce: Idan Annabi (Sallal Laahu
Alaihi Wa Alihi Wa Sallam) ya zauna wurin tahiya yana ɗora hannun dama a kan cinyarsa ta dama, yana
mai shimfiɗa ta a kan
cinyar, sai kuma ya dunƙule dukkan yatsun hanunsa na dama, sannan ya yi nuni da
yatsarsa da take bin babbar yatsa zuwa jihar alƙibla, sai kuma ya jefa ganinsa gare ta,
(watau ya riƙa
kallon ta).
A cikin wata riwaya ta
Al-Humaidiy: (1/131) da Abu-Ya’alaa: (2/275) da isnadi sahihi daga Ibn Umar
(Radiyal Laahu Anhumaa) ya ce: Ita (yatsar) mai korewa ce ga shaiɗan: Duk wanda ke yin haka
ba zai yi rafkanuwa ba! Sai Al-Humaidiy ya miƙe yatsarsa.
Haka kuma Al-Humaidiy ya riwaito
da isnadin da Al-Albaaniy ya inganta shi daga Muslim Bn Abi-Maryam cewa: Wani
mutum ya ga Annabawa an zana su a cikin sallarsu sun yi kamar haka: Sai
Al-Humaidiy ya miƙe yatsarsa.
(Aslu Sifatis Salaah: 3/838).
Amma game da karkaɗa yatsar da ya miƙe sai
ya ce: Sannan kuma (Annabi (Sallal Laahu Alaihi Wa Alihi Wa Sallam)) ya kasance
idan ya ɗaga yatsarsa
manuniya, yakan riƙa karkaɗa
ta, yana yin addu’a da ita, kuma yana cewa
لَهِيَ أَشَدُّ عَلَى الشَّيْطَانِ مِنَ الْحَدِيدِ
Ita ta fi tsanani a kan shaiɗan fiye da baƙin ƙarfe.
Bayan wannan sai Al-Imaam
Al-Albaaniy ya ce: A cikin wannan akwai dalili a kan cewa: Sunnah ita ce mutum
ya cigaba da miƙe ta da karkaɗa
ta har zuwa sallama. Wannan kuwa shi ne mazhabar Al-Imaam Maalik da waninsa
daga cikin Limamai.
Sai kuma ya ce: Daga nan ne kuma
yake fitowa a fili cewa: Karkaɗa
yatsa a zaman tahiya Sunnah ce tabbatacciya daga Annabi (Sallal Laahu Alaihi Wa
Alihi Wa Sallam). Al-Imaam Ahmad da waninsa daga cikin Limaman Sunnah sun yi
aiki da ita. Don haka, mutanen da suke riya cewa wai hakan wasa ne da bai
kamaci a yi shi a cikin sallah ba, sai su ji tsoron Allaah kuma su daina!
(Aslu Sifatis Salaah: 3/853-854).
Wal Laahu A’lam.
Sheikh Muhammad Abdullaah
Assalafiy,
Turo da tambayar ka ta WhatsApp a
wannan number. 08164363661
Zauren Fatawoyi Bisa Alkur'ani Da
Sunnah. Ku kasance Damu...
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.