𝐓𝐀𝐌𝐁𝐀𝐘𝐀❓
Assalamu alaikum, malam ya ibada,
jinnul ashiq (Wato aljanin soyayya) yana saduwa dani Koda Ina azumi, yaya
hukuncin azumi na?
Lokacin da nake yarinya na kasance Ina mafarkin an dakko mu nida Yan gidanmu za'a yanka mu duka, Dan Allah me haka yake nufi?
𝐀𝐌𝐒𝐀❗️
Wa alaikis salam wa rahmatullahi
wa barakatuhu.
Yawancin irin wannan saduwar da
shaiɗanun Aljanu ke yi
da mutane, yana faruwa ne acikin barci. Amma hukuncinsa yana dangantuwa ne zuwa
ga fitar maniyyi ko rashin fitarsa.
Akwai hadisi wanda Malaman hadisi
da dama sun fitar dashi ta hanyar Ummu Salamah, da Nana A'ishah da kuma Anas bn
Malik (Allah ya yarda dasu baki ɗaya).
Acikin riwayar Sayyiduna Anas bn
Malik (ra) yace Manzon Allah Sallallahu alaihi Wasallam ya bayar da fatawa ga
matar da taga irin abinda mazaje ke ganinsa acikin barci (wato mafarkin saduwa)
yace "zatayi wanka". Acikin riwayar Imamul Bukhariy ya Qara da cewa
"idan taga ruwa (Wato maniyyi).
Sai Nana Ummu Salamah tare da
mamaki tace "Dama irin haka yana faruwa?"
Sai Annabi Sallallahu alaihi
Wasallam yace mata "ta ina ake samun kamanni?".
Shaikh Isma'eel As-San'aniy yace
irin wannan ta faru ga mataye da yawa daga matan Sahabbai. Misali akwai
Khaulatu bintu Hakeem acikin riwayar Imamu Ahmad da Nisa'iy da Ibnu Maajah. Ya
faru kuma ga Sahlatu bintu Suhail (ra) acikin riwayar Tabaraniy. Hakanan ya
faru ga Busratu bintu Safwan acikin riwayar Abubakr ibnu Abee Shaibah.
Wannan hadisin hujjah ne akan
cewa lallai mace takan ga irin abinda namiji yake gani acikin barcinsa, amma
abinda ake nufi idan har tayi inzali (Wato taga fitar maniyyi ajikinta bayan ta
farka).
To amma idan mutum (namiji ko
mace) ya yi mafarkin jima'i amma yayin da ya farka ya duba jikinsa bai ga
maniyyi ba, to yin wanka bai wajaba akansa ba. Kamar yadda Shaikh Abdurrahman
Al-Akhdhariy ya faɗa
acikin shahararren littafinsa (Matnul Akhdhariy) acikin babin dake magana akan
abubuwan dake wajabta wanka..
Hakanan ko kinga fitar maniyyi ko
baki gani ba, azuminki yana nan kalau bai karye ba. Wanka kawai zakiyi idan har
kinga alamar maniyyin.
Amsar tambayarki ta biyu :Irin waɗannan mafarkan shirme ne
kawai irin wanda shaiɗanu
ke haddasawa. Amma yafi faruwa alokacin da mutum ya kwanta ba tare da yin
addu'a ba. Musamman ma waɗanda
ke fama da matsalar shafar Aljanu.
Maganin abun shi ne kije ayi miki
ruqyah domin rabuwa da jinnul ashiq ɗin,
sannan idan zaki kwanta barci ki rika yin alwala, ki karanta ayatul kursiyyi
kafa ɗaya, Suratul
Ikhlas da falaqi da nasi kafa uku-uku.
WALLAHU A'ALAM.
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.