𝐓𝐀𝐌𝐁𝐀𝐘𝐀❓
Assalamu Alaikum. Matar da ake
bin ta Azumin Ramadan biyar, da kyar ta iya rama guda biyu saboda olsa, sannan
kuma yanzu ga ciki, yaya za ta yi?
𝐀𝐌𝐒𝐀❗️
Wa Alaikumus Salaam Wa Rahmatul
Laah.
Marasa lafiya da suka kasa yin
Azumin Ramadan nau’i biyu ne, in ji malamai
1. Idan rashin lafiyar da ake
tsammanin samun waraka ne, to sai ya bari har sai ya warke sannan ya rama
saboda ayar da ta ce:
فَمَن كَانَ مِنكُم مَّرِیضًا
أَوۡ عَلَىٰ سَفَرࣲ فَعِدَّةࣱ مِّنۡ أَیَّامٍ أُخَرَۚ
Daga cikinku duk wanda ya zama
mara lafiya ko kuma yana cikin tafiya, to sai ya biya adadin wasu kwanakin na
daban. (Surah Al-Baqarah: 184)
Idan kuma bai warke ba har zuwa ƙarshen
ajalinsa, a nan malamai sun ce babu laifi a kansa, kuma babu komai a kan
danginsa ta fuskar ramuwa ko ciyarwa, matuƙar dai ba ya warke ne sannan ya yi sakaci
da jinkirin ramawa har zuwa aukuwar ajalin nasa ba.
2. Idan rashin lafiyan kuma irin
wanda ba a sa ran warkewa ne kamar na tsufa, to sai ya bayar da abinci ga
talakawa a maimakon duk yinin da bai yi azumin ba. Idan kuma ya bari har sai a ƙarshen
Ramadan sannan ya tara talakawan ya ciyar da su, kamar yadda Sahabi Anas Bn
Maalik (Radiyal Laahu Anhu) ya yi, hakan ma daidai ne.
Idan a bayan ya ciyar sai kuma ya
warke, to duk da haka dai malamai sun ce ramuwa ba ta wajaba a kansa ba.
3. Ita mai ciki ko mai shayarwa
kuwa idan ta kasa yin Azumin Ramadan malamai sun sha bamban a kan al’amarinta.
Amma maganar da ta fi rinjaye a wurin malamanmu ita ce: Abin da Ibn Umar da Ibn
Abbaas a cikin Sahabbai (Radiyal Laahu Anhum) da Ibn Al-Jubair a cikin Tabi’ai
(Rahimahumul Laah) suka zaɓa
cewa: Ciyarwa ce kaɗai
a kan ta, amma ba ramuwa ba. Musamman dayake ba a samu wanda ya saɓa wa waɗannan Sahabban guda biyu
a kan hakan daga cikin sahabbai ba, in ji Ibn Qudaamah a cikin Al-Mughnee:
4/395.
WALLAHU A'ALAM
Sheikh Muhammad Abdullaah Assalafiy
Zauren Fatawoyi Bisa Alkur'ani Da
Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://chat.whatsapp.com/FmJ5Ojsns1KFolTP8qu9GT
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayaDaAnsa
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.