𝐓𝐀𝐌𝐁𝐀𝐘𝐀❓
Assalamu alaikum warahmatullah ta'ala wabarakatuhu, da fatan
kun tashi lafiya, tambayata ita ce shin ya halatta a addini miji ya zauna da
macen da ba ta son shi? Don yanzu shekara huɗu
da aurensu amma har yanzu ba ta son shi, duk abun da za ta masa tana yi ne don
kar Allah ya kama ta da laifin muzguna wa mijinta, wani lokaci ma hakan na
gagararta kuma kullum sai ta roqi Allah ya ba su zaman lafiya, amma mijin ma ba
ya ganin hakan, in ya tashi ya rinqa jefar ta da munanan kalamai, don Allah ga
tambayata, mafita nake nema.
𝐀𝐌𝐒𝐀❗️
Wa'alaikumus Salamu Warahmatullah, ƴar uwa ya halasta mace
ta zauna da mijin da ba ta so idan ta san za ta iya kiyaye masa haqqinsa na
aure, saboda matuqar mace ba ta sauke haqqoqin mijinta saboda ba ta son shi, to
Allah zai kama ta da wannan haqqi da ta qi bayarwa ga mijinta.
Don haka nake ba ki shawara a kan ki yi haquri ki ci gaba da
zama da wannan miji naki tun da ga shi har kin yi haqurin zama tare da shi na
tsawon shekaru huɗu,
kuma ki riqa ba shi dukkan haqqoqin aure gwargwadon iko, in Allah ya so Allah
zai daidaita tsakaninku matuqar kika ji tsoron Allah a al'amarinki.
Ayar Alqur'ani a suratul Baqara, aya ta 216 ta tabbatar da
cewa
وَعَسَىٰ
أَن تَكْرَهُوا شَيْئًا وَهُوَ خَيْرٌ لَّكُمْ وَعَسَىٰ أَن تُحِبُّوا شَيْئًا وَهُوَ
شَرٌّ لَّكُمْ وَاللَّهُ يَعْلَمُ وَأَنتُمْ لَا تَعْلَمُونَ
Za ku iya qin abu
amma ya zamo shi ne mafi alheri a gare ku, za kuma ku iya son abu ya zamo shi
ne mafi sharri a gare ku, Allah ne masani, ku ba ku da sani.
Saboda haka ki cire wa kanki wannan qiyayya da kike ma
wannan mijin, saboda wata qila mijin da kika so ki aura amma Allah bai ba ki
shi ba, wata qila shi ne mafi sharri a gare ki, sai Allah ya tausaya maki ya ba
ki wanda ba shi ba, duk abin da kika ga Allah ya qaddara maki, to kawai ki
sallama wa Allah, ki ɗauka
hakan shi ne alherin, shi Allah ya san hikima da dalilin yin hakan. Kuma in kin
san akwai wata kalma maras kyau, ko wata ɗabi'a
maras kyau da kike yi masa, to ki ji tsoron Allah ki daina, domin wata qila ita
ce dalilin da ya sa shi ma yake muzguna maki ba don yana da nufin yin hakan ba
tun asali.
Allah ne mafi sani.
Jamilu Ibrahim Sarki, Zaria.
Zauren Fatawoyi Bisa Alkur'ani Da Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayaDaAnsa
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.