𝐓𝐀𝐌𝐁𝐀𝐘𝐀❓
Assalamu Alaikum. Ya Halatta Mutum Yayi rak'atayil fajr idan bai samu jam'in sallar asubah ba har gari yafara haske, zai fara yin sallar asubah ne ko kuma nafilar zai fara yi?
𝐀𝐌𝐒𝐀❗️
Wa'alaikumus Salam Warahmatullahi
Wabarkatuhu.
Da farko dai wajibi ne akan
kowanne musulmi ya kiyaye sallah akan lokacin ta. Allah maɗaukakin sarki Ya ce
إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتًا
Lalle ne sallah ta kasance akan
muminai farilla mai kayyadaddun lokuta. (Suratul Nisá'i Aya ta 103)
Lokacin sallar asuba shine daga
fitowar alfijir na biyu har izuwa hudowar rana.
Baya halasta jinkirta sallah har
lokacin ta ya fita. Saboda yin haka da gangan yana daga cikin manyan kaba'ira.
Saɓanin wanda ya manta
sallar ko kuma barci ya rinjaye shi ba da gangan ba, shi wannan abun yiwa uzuri
ne.
Manzon Allah Yace
_"ﻣﻦ ﻧﺴﻲ ﺻﻼﺓ ﺃﻭ ﻧﺎﻡ ﻋﻨﻬﺎ ﻓﻠﻴﺼﻞ ﺇﺫﺍ ﺫﻛﺮﻫﺎ، ﻻ ﻛﻔﺎﺭﺓ ﻟﻬﺎ ﺇﻻ ﺫﻟﻚ"
ﺭﻭﺍﻩ ﺍﻟﺒﺨﺎﺭﻱ ﻭﻣﺴﻠﻢ.
Wanda ya manta sallah ko yayi
barci akanta (barci a lokacinta) to ya sallaceta idan ya tina ta (sallar), kuma
babu kaffara sai wannan (ramawar). Bukhari da Muslim suka ruwaito shi.
Sallar asuba raka'a biyu ne, a
gabanin su akwai raka'a biyu na nafilah ana kiransu "Sunnatul Fajr"
ko "Sunnatus Subhi" ko "Ragiibatul Fajr" ko
"Rak'atayil Fajr".
Idan mutum ya rasa jam'in asuba
ya halatta mutum yayi rak'atayil fajr kafin yayi sallar asuba. Koda rana ta
fito ne zai iya yin sallar rak'atayil fajr kafin yayi sallar asuba. Amma fa ba
wanda ya rasa jam'i da gangan ba, saidai kamar wanda barci ya rinjayeshi har
gari ya waye.
Kamar yadda yazo a Bukhari da
Muslim da Sunan Abu Dawuda cewa: Haqiqa ya tabbata cewa barci ya rinjayi Manzon
Allah Sallallahu alaihi Wasallam da Sahabbansa a wata tafiya, basu farka ba har
rana tafito sai suka sallaci rak'atayil fajr sannan suka sallaci asuba.
A wata ruwaya akace Manzon Allah
Sallallahu alaihi Wasallam ya umarci da a kira sallah sannan ya sallaci
raatiibat (rak'atayil fajr), sannan ya umarci ayi iqaamah bayan haka sai ya
sallaci farillah (sallar asuba).
Saboda haka ya halatta a fara yin rak'atayil fajr kafin sallar asuba
idan an rasa jam'in asuba koda rana ta fito ne.
WALLAHU A'ALAM
Zauren Fatawoyi Bisa Alkur'ani Da
Sunnah. Ku kasance Damu...
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.