𝐓𝐀𝐌𝐁𝐀𝐘𝐀❓
Aslaam alaykum mlm barka da warhaka
dafatar kana lafiya. malam minene hukuncin Wanda yayi azumi amma bai yi buɗa baki ba, ma'ana bai sha
ruwa bayan ladan ya kira sallah. Sai yayi jima'i da matarsa, Ya azuminsa?.
𝐀𝐌𝐒𝐀❗️
Wa alaikum assalam, Azuminsa ya
yi daidai, mutukar ya sadu da ita ne bayan rana ta faɗi.
Annabi Sallallahu alaihi Wasallam
ya yi umarni ayi buɗa
baki da dabino ga wanda ya samu dama, in ba hali kuma ayi da ruwa kamar yadda
ya tabbata a hadisai.
Abin da ya gabata yana nuna cewa:
Yin buɗa baki da
dabino ko ruwa shi ne sunna, saidai wanda ya fara da jima'i azuminsa ya
inganta, tun da Allah ya halatta masa jima'i a daidai wannan lokacin kamar
yadda aya ta: 187 a suratul Bakara ta nuna hakan.
أُحِلَّ لَكُمْ لَيْلَةَ الصِّيَامِ الرَّفَثُ
إِلَىٰ نِسَائِكُمْ ۚ هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ ۗ عَلِمَ اللَّهُ
أَنَّكُمْ كُنْتُمْ تَخْتَانُونَ أَنْفُسَكُمْ فَتَابَ عَلَيْكُمْ وَعَفَا عَنْكُمْ
ۖ فَالْآنَ بَاشِرُوهُنَّ وَابْتَغُوا مَا كَتَبَ اللَّهُ لَكُمْ ۚ وَكُلُوا وَاشْرَبُوا
حَتَّىٰ يَتَبَيَّنَ لَكُمُ الْخَيْطُ الْأَبْيَضُ مِنَ الْخَيْطِ الْأَسْوَدِ مِنَ
الْفَجْرِ ۖ ثُمَّ أَتِمُّوا الصِّيَامَ إِلَى اللَّيْلِ ۚ وَلَا تُبَاشِرُوهُنَّ وَأَنْتُمْ
عَاكِفُونَ فِي الْمَسَاجِدِ ۗ تِلْكَ حُدُودُ اللَّهِ فَلَا تَقْرَبُوهَا ۗ كَذَٰلِكَ
يُبَيِّنُ اللَّهُ آيَاتِهِ لِلنَّاسِ لَعَلَّهُمْ يَتَّقُونَ
An halatta a gare ku, a daren
azumi, yin jima´i zuwa ga matanku, sũ tufa ne a gare ku, kuma kũ tufa ne a gare
su, Allah Yã sani lalle ne ku kun kasance kuna yaudarar kanku. Sabõda haka Yã
karɓi tũbarku, kuma
Yã yãfe muku. To, yanzu ku rungume su kuma ku nemi abin da Allah yã rubũta
muku. Kuma ku ci kuma ku sha har sĩlĩli fari ya bayyana a gare ku daga sĩlĩli
baƙi
daga alfijiri, sa´annan
kuma ku cika azumi zuwa ga dare. Kuma kada ku rungume su alhãli kuna mãsu itikãfi a cikin masallãtai. Waɗancan iyãkokin Allah ne:
don haka kada ku kusancesu, kamar haka ne Allah Yake bayyana ãyõyinSa ga
mutãne: tsammãninsu, zã su yi taƙawa. (Suratul Baqara aya ta 187)
Allah ne mafi sani.
Amsawa:-Dr. Jamilu Zarewa
Zauren Fatawoyi Bisa Alkur'ani Da
Sunnah. Ku kasance Damu...
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayaDaAnsa
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.