Hadisan Manzon Allah Tsira Da Amincin Allah Su Tabbata a Gare Shi

Haɗannan waɗansu ne daga cikin hadisan manzon Allah tsira da amincin Allah su tabbata a gare shi. Allah ya ba mu damar amfani da su da duk sauran ingantattun hadisai, amin.

Ana iya turo mana tsokaci ko gyara cikin ɓangaren comment da ke ƙasa.

Fatar mutuwa!🥀

Manzon Allah (SAW) ya ce: "Kada ka yi fatar mutuwa, domin idan kai mai kyautatawa ne, to samun damar ƙara kyautatawa a kan kyautatawarka ne ya fi." (Sahihut Tagrib: 3368)

Manzon Allah (SAW) ya ce: "Amma game da fitinar ƙabari, a dalilina ne fa za a muku jarabawa, kuma game da ni ne za a tambaye ku." (Sahibul Jamiis Sagir: 1361)

Barka da Juma'a🕌🕋

Manzon Allah (SAW) ya ce: "Mutanen da za su saura a ƙarshen duniya su ne waɗanda babu alheri a gare su. Za su koma ga addinin gargajiya." (Sahihu Muslim: 2907)

Juma@t Mubarak💐🌷

Manzon Allah (SAW) ya ce: "Sa'a (ta ƙarshen dunya) ta matso, sai dai kuma su mutane hakan ba ya ƙara musu komai face nisanta (daga Allah)." (Sahihul Jami'i: 1146)

Juma@t Mubarak💐🌷

Manzon Allah (SAW) ya ce: "Sa'ar ƙarshen duniya ba za ta tsaya ba sai alfasha ta yi yawa har ana alfahari da ita, sai an yanke zumunci, sai maƙwabtaka ta munana." (Takhrijul Musnad: 6872)

Juma@t Mubarak💐🌷

Manzon Allah (SAW) ya ce: "Daga alamomin matsowar sa'ar ƙarshen duniya, za a yawaita maganganu masu kyau sai dai kuma za a rage kyawawan ayyuka." (Silsilatus Sahiha: 6/774)

Manzon Allah (SAW) ya ce: "A kusa da sa'ar ƙarshen duniya, fasiƙi zai samu ikon faɗar magana ta shugabancin al'umma." (Sahihu Dala'ilin Nubuwwa: 388)

Manzon Allah (SAW) ya ce: "A kusa da sa'ar ƙarshen duniya, sakarai zai samu ikon faɗar magana ta shugabancin al'umma." (Takhrijul Musnad: 7912)

Manzon Allah (SAW) ya ce: "A kusa da sa'ar ƙarshen duniya, mutumin banza zai samu ikon faɗar magana ta shugabancin al'umma." (Silsilatus Sahiha: 2253)

Manzon Allah (SAW) ya ce: "A kusa da sa'ar ƙarshen duniya, mutumun banza zai samu ikon faɗar magana ta shugabancin al'umma. (Silsilatus Sahiha: 2253)

Mu faɗaka...

Manzon Allah (SAW) ya ce: "A kusa da sa'ar ƙarshen duniya, akwai kwanakin da hajilci zai sauko, za a ɗauke ilimi (na addini), kuma kisa zai yawaita." (Al-Bukhari: 7062)

Mu faɗaka...

Manzon Allah (SAW) ya ce: "A kusa da sa'ar ƙarshen duniya, za a ɗauki maha'inci shi ne mai amana, a ɗauki mai amana shi ne maha'inci." (Sahihu Ibn Majah: 3277)

Mu faɗaka...

Manzon Allah (SAW) ya ce: "Daga alamomin sa'a (ƙarshen duniya) za a ɗauke ilimi (na addini), jahilci zai tabbata, za a sha giya, kuma zina za ta yawaita." (Al-Bukhari: 80)

Mu faɗaka... 

Manzon Allah (SAW) ya ce: "A kusa da sa'ar ƙarshen duniya, akwai waɗansu shekaru masu yaudara. Za a gaskata maƙaryaci kuma a ƙaryata mai gaskiya." (Silsilatus Sahiha: 2253)