Hukuncin Sallah Da Tufafi Mai Najasa

𝐓𝐀𝐌𝐁𝐀𝐘𝐀❓

Idan Tufafin Mutum Yasamu Najasa Kuma Bai Samu Ruwanda Zai Wanke Ba, Bashi Dawani Tufar Dazayi Sallah Dashi Yaya Zaiyi?.

𝐀𝐌𝐒𝐀❗️

Sallah bata ingantuwa da tufa mai najasa, Mutum zai iya sallah ne da tufafi masu tsarki, saboda faɗin Allah madaukakin sarki:

ﻭَﺛِﻴَﺎﺑَﻚَ ﻓَﻄَﻬِّﺮْ

Ka tsarkake tufafinka. (Suratul Mudasir aya 4)

Wata mata tazo wajan Annabi Sallallahu Alaihi wasallam tace: Jinin haila yana taɓa tufafin wata daka cikinmu yaya zatayi? Yace; Tawankeshi daruwa Tamatse shi sannan Tayarfe ruwan, sannan saitayi sallah da tufafin. Bukhari ( 227) da Muslim (291)

Annabi Sallallahu Alaihi wasallam ya Umarceta data tsarkake tufar kafin tai sallah da ita.

Idan najasa tasamu tufafin mutuminda bashi da wani tufafin dazai sallah sai mai najasar kawai, baya wuce halaye uku

1. Zai iya wanke wajanda najasar datake jikin tufafin yai sallah dashi, kamar najasar ajikin hannun riga ko gefen karshen riga take, wajibine wanketa yai sallah da tufafin, domin yanada ikon sallah da tufafi mai tsarki babu uzuri akansa idan yai sallah da najasa.

2. Zai iya cire tufafin batareda Al'aurarsa ta bayyana ba, kamar idan yanasa wani kayan daka ciki wanda yake rufe al'aurarsa ( gajeran wando, singileti, sikel diras) wajibine yacire tufar yai sallah damai tsarki, saboda hakane Annabi sallallahu Alaihi wasalla yacire takalminsa mai najasa ajikinsa yana cikin sallah lokacinda jibirilu Alaihissalamu yasanar dashi akwai najasa ajikinsu. Abu dauda (650) Albani ya ingnatashi acikin sahihu Abu dauda.

3. Bashi da wani tufafin mai tsarki da zaiyi sallah dashi kuma bazai iya kawarda najasar ba, magana ingantacciya cikin zantukan malamai shine zaiyi sallah dawannan tufar mai najasar, saboda yazama mai uzuri, kuma sallarsa ingnatacciyace bazai sake sallar ba bayan yayita da tufafin.

Shaikul Islma ibnu taimiyyah Allah yajikansa yace: Wanda baisamu tufafi ba sai masu najasa kaɗai? Wasu malamai sukace: yayi sallah tsirara, wasu sukace: yai sallah da tufafin Amma yasake sallar, wasu sukace: Yai sallar dasu haka bazai sake sallar ba, wannan shine ingantaccen zance cikin zantukan malamai domin Allah bai umarci bawa yayi sallar farillah sau biyu ba, saidai idan baiyi wajibinda aka ɗora masaba tunfarko, kamar yai sallah babu nutsuwa zai sake sallah kamar yanda Annabi sallallahu Alaihi wasallam ya Umarci wanda yai sallah babu nutsuwa acikinta yace: ( Koma kayi sallah dan bakayi sallah ba, haka wanda yamanta tsarki yai sallah babu alwala, zai sake sallah kamar yanda Annabi sallallahu Alaihi Wasallam ya umarci mai lam'a akafarsa bai wankeba yasake alwala da sallah, Amma wanda ya aikata abunda aka kaddara masa gwar-gwadon ikonsa Allah maɗaukakin sarki Yace

ﻓَﺎﺗَّﻘُﻮﺍ ﺍﻟﻠَّﻪَ ﻣَﺎ ﺍﺳْﺘَﻄَﻌْﺘُﻢْ ‏

Kuji tsoran Allah gwar-gwadon ikonku.

Annabi sallallahu Alaihi wasallam Yace ( Abunda na Umarceku kuzo dashi gwar-gwadon Abunda zaku iya). Majmu'u fatawa (22/ 34-35)

Saboda haka zaiyi sallah da tufafinda suke da najasar babu komai akansa domin anmasa uzuri kuma bazai sake sallar ba, bayan uzurin yagushe daka kansa.

WALLAHU A'ALAM.

Zauren Fatawoyi Bisa Alkur'ani Da Sunnah. Ku kasance Damu...

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.