Hukuncin Yin Sallah A Dakin Da Bangonsa An Lillike Shi Da Hotuna

𝐓𝐀𝐌𝐁𝐀𝐘𝐀❓

Shin ya halatta ga musulmi yayi sallah aɗakin da bangonsa an lilliqe shi da hotunan mutane da dabbobi? kuma ya halatta musulmi yayi sallah darigar datake da hoto?

𝐀𝐌𝐒𝐀❗️

Baya halatta yin sallah agurin dayake akwai hoton abubuwa masu rai sai inda lalura, saboda Abunda bukhari yaruwaito acikin sahihin littafinsa, (3322) da muslim (2106) daka Abi dalha Allah yakara yarda dashi daka Annabi Sallallahu Alaihi wasallam ya ce: ( Mala'iku basa shiga gidan dayake akwai kare ko hoto acikinsa).

An tambayi fatawa lajnatul da'imah shin yahalatta ga musulmi yayi sallah aɗakin da bangonsa an lilliqeshi da hotunan mutane da dabbobi? shin kuma yahalatta musulmi yayi sallah darigar datake da hoton dabbobi?

Sai suka Amsa: Hotunan Abubuwa masu rai haramun ne, sanya hotunan abubuwa masu rai ajikin bangwan ɗaki haramun ne, haka yin sallah aɗakin da bangwansa akwai hoton abubuwa masu rai, bata halatta saida lalura, haka yin sallah da tufafinda yake da hotunan dabbobi ko hoto mai rai bai halatta, saidai idan mutum yayi sallar ta inganta tareda haramcin yinta awajan, yatabbata daka Annabi Sallallahu Alaihi wasallam ( lokacinda yaga labulen ɗakin A'isha yana da hotuna yai fushi ya yayyagashi ya ce: ma'abota waɗannan hotunan za'a dunga azabtar dasu ranar alkiyama ana cewa dasu ku rayar da abunda kuka halitta).

Fatawa lajnatul da'imah ( 1/705).

Saboda haka wanda yayi sallah aɗakin da yake da hoto ajikin bango yana fuskantar bangon da hoton yake, sallarsa tayi, Amma kuma haramcin saka hoton da haramcin yin sallah awajanda yake da hotuna yana kansa za'a rubuta masa zunubi akan hakan, abunda yake wajibi gareshi shine tuba da istigfari zuwaga Allah, sannan ya gaggauta cire hoton daka ɗakinsa dan samun yardar ubangijinsa Allah maɗaukakin sarki, Allah yakara shiryar damu baki ɗaya.🤲

WALLAHU A'ALAM

Zauren Fatawoyi Bisa Alkur'ani Da Sunnah. Ku kasance Damu...

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.