.jpeg)
.. Bakin gidan Alu Haidara, kun ji masu kuɗɗi Ƙaura..
Haka☝️ Makaɗa Muhammadu Bawa Ɗan Anace Yar Tsakkuwa, Gandi, Sakkwato ya ce a faifansa na Ɗan Dambe Shagon Bakura.
Wannan shi ne Marigayi Alhaji Alu Haidara Ƙaura Namoda da Makaɗa Ɗan Anace ke nufi.
Asalinsa Bafulatani ne daga jinsin Torankawa. Kakanninsa sun yi Hijira ne daga Sakkwato zuwa Kudu maso yammacin Cibiyar Daular Usmaniya tare da Malam Umaru Nagwamatce ɗan Sarkin Musulmi Abubakar I /Abubakar Atiku /Mai Katuru ɗan Mujaddadi Shehu Usman Ɗanfodio tagammadahullah birahamatihi, inda suka taimaka masa wajen ƙirƙirar Masarautar Kwantagora a shekarar 1859.
Fatauci ne ya kawo shi garin Ƙaura Namoda, ya samu nasibi a cikin lamarin har ya shahara sosai. Attajirin gaske ne da ya yi suna wajen tallafawa al'umma har ma ana faɗin cewa "wutar dafa abinci ba ta mutuwa a gidansa a kowane lokaci" domin tsayuwarsa akan ciyarwa.
Zuriyarsa ta shahara ainun wajen sha'anin kasuwanci da ilimi na addini da na zamani.
Alh. Ibrahim Muhammad Ɗanmadamin Birnin Magaji.
.jpeg)
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.