Naji Labari Saurayina Zai Yi Aure Bayan Mun Yi Alkawarin Aure Da Shi

𝐓𝐀𝐌𝐁𝐀𝐘𝐀❓

Malam saurayina ne yake matsa min akan in aikata zina dashi (har mun aikata sau da yawa) to sai mukayi faɗa naji labarin zai auri wata bayan kuma munyi alkawarin aure kafin na yarda mufara aikata saɓon Allah, to malam sai naje gidansa ba tare da saninsa ba, na ɗauke takardun karatunsa na makaranta dana shaidar filayensa na yayyagasu to malam inada laifi?

Duba da irin cin zarafina da shima ya yi.

𝐀𝐌𝐒𝐀❗️

Abu na farko shine laifin zina, biye wa son rai da kikayi, kika ruɗu da Ƙaryar da wannan saurayin yayi miki alhali a hakikar gaskiya mafiya yawan samarin dake fakewa da haka su aikata ma sha’a, daga karshe tserewa sukeyi. Sun san cewa ke sun gama lalata rayuwarki don haka ba zasu yarda su aureki ba.

kiji tsoron Allah ki fara tuba daga wannan laifin da kikayi, domin hakika baki san yaushe ne mutuwa zata riskeki ba. Kuma ki ɗauki niyyar har abada bazaki sake komawa cikin laifi irin wannan ba. Kuma koda saurayi ya biya sadakinki, duk da haka baki zama matarsa ba, har sai an ɗaura muku aure tukunna.

Shi kuwa laifin yaudararki da yayi, yana nan akansa. Domin hakika yaci amanarki, yaci amanar iyayenki tunda ya aikata fasadi dake. Sannan ga laifin zina wanda Manzon Allah Sallallahu alaihi Wasallam Yace "BAYAN YIN SHIRKA DA ALLAH, BABU WANI LAIFIN DA YAFI GIRMA KAMAR MANIYYIN DA MUTUM YA JEFA ACIKIN MAHAIFAR DA BATA HALATTA GARESHI BA".

Yayyaga takardunsa kuwa da kikayi, hakika kin cutar da rayuwarsa ta hanyar da zai daɗe bai dawo daidai ba. Wannan ramukon da kikayi ya zarce iyaka, ya zama zalunci kuma, Allah Maɗaukakin Sadki Yace: "IDAN AKA CUTAR DAKU, TO KUYI RAMUKO DA MISALIN ABINDA AKA CUTAR DAKU.."

Kiji tsoron Allah ki nisanci irin waɗannan laifukan, ki yawaita istighfari da ayyukan alkhairi, da sannu zasu wanke miki laifin da kika aikata a baya. Shi kuma saurayin naki idan ba zai zama matsala ba, kije ki nemi yafewarsa bisa zaluncin da kikayi masa. Idan kuma babu damar haka, ki cigaba da yi masa addu’ar neman shiriya da yafewar zunubansa.

WALLAHU A’ALAM.

Zauren Fatawoyi Bisa Alkur’ani Da Sunnah. Ku kasance Damu...

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.